@વિશાલ મહેતા, મંતવ્ય ન્યૂઝ, અમદાવાદ
બાપુનગરમાં આવેલી એક હોટલમાં પરિણીત યુગલ વચ્ચે ખૂની ખેલ ખેલાયો હતો. જેમાં પરિણીતાની હોટલના રૂમમાં જ હત્યા કરાઈ હતી જ્યારે પતિની હાલત ગંભીર હોવાનું પોલીસ જણાવી રહી છે.
ઘટનાની વિગત એવી છે કે અમદાવાદના અમરાઈવાડી વિસ્તારમાં રહેતા મેહુલ સોલંકીના લગ્ન યોગીતા સોલંકી સાથે થયા હતા થોડા સમય પહેલા જ યોગીતા ના પિતાનું અવસાન થયું હતું જેમની ઉત્તર ક્રિયા પૂર્ણ કર્યા બાદ યોગીતા તેના સાસરીમાં પરત ફરી હતી..બંને વચ્ચે સારો મનમેળ હતો. તે દરમ્યાન સોમવારે મેહુલ તેની પત્નીને એકાંત પળો માળવા માટે નાગરવેલ હનુમાન પાસે આવેલી હોટેલ અતિથિમાં લઈને ગયો હતો..હોટેલમાં પ્રવેશ મેળવ્યાના 2 કલાક બાદ મહિલાની બુમો હોટેલના સ્ટાફને સંભળાઈ જેને કારણે હોટેલના સ્ટાફે 108 બોલાવીને દરવાજો ખોલવાનો પ્રયાસ કર્યો પણ દરવાજો અંદરથી લોક હોવાને કારણે ખુલી ન શક્યો પરિણામે હોટેલ સ્ટાફે રૂમનો દરવાજો તોડી નાખ્યો હતો.
પોલીસની પ્રાથમિક તપાસમાં જાણવા મળ્યું છે મેં મેહુલ પહેલેથી પત્નીની હત્યા કરવાનું નક્કી કરી આવ્યો હતો જેથી તે તેની સાથે છરી લાવ્યો હતો. રૂમમાં પત્ની સાથે થોડી વાર ચર્ચા કર્યા બાદ મેહુલે ઠંડા કલેજે પત્ની યોગીતાને ગળું દબાવી તેમજ છરીના ઘા ઝીંકી હત્યા કરી નાંખી હતી. ત્યારબાદ મેહુલે પણ પોતાના ગળા ના ભાગે છરી નો ઘા મારી ને આત્મહત્યા કરવાનો પ્રયાસ કર્યો હતો જો કે હોટેલના સ્ટાફની જાગૃતતાના કારણે મેહુલને તુરંત જ હોસ્પિટલમાં બેભાન હાલતમાં મોકલવામાં આવ્યો હતો હાલ તેની હાલત ગંભીર છે જો કે બાપુનગર પોલીસ દ્વારા પ્રાથમિક તબક્કે પતિ મેહુલ વિરુદ્ધ હત્યાનો ગુનો નોંધી દેવામાં આવ્યો છે..
મેહુલના ભાઈ ના લગ્ન યોગીતા ની બહેન સાથે જ થયા હતા..લગ્ન બાદ તમામ હળી મળી ને રહેતા હતા કોઈને કોઈ વાતનું મનદુઃખ નહોતું તેમ છતાં મેહુલ દ્વારા જે પગલું ભરવામાં આવ્યું છે તેનાથી પરિવાર પણ ચિંતિત છે..ત્યારે મેહુલ શા માટે તેની જ પત્ની નો હત્યારો બન્યો તે માટે હવે બાપુનગર પોલીસ દ્વારા મેહુલ અને યોગીતાને કોલ રેકોર્ડસ તેમજ પરિવારના સભ્યોના નિવેદનો લેવાની કામગીરી હાથ ધરી છે.
