કેનેડાના ટોરેન્ટોમાં બોરસદ તાલુકાની પામોલ ગામની પટેલ યુવતીની રહસ્યમય હત્યા થતા સમગ્ર પંથકમાં ચકચાર મચી ગઈ છે. ત્યારે સગાઇ માટે વતન આવેલા મૃતકના નાના ભાઈ વિનયએ પણ સગાઈ પડતી મૂકીને ટોરેન્ટોમાં તેની મોટી બહેનનીઅંતિમ વિધિ માટે કેનેડા જવા રવાના થઈ ગયો હતો. જ્યાં તેની બેનની અંતિમ વિધિ શનિવારના રોજ કરવામાં આવી હતી. જ્યારે કેનેડા પોલીસે હિરલ પટેલના પતિ રાકેશભાઈ પટેલને વોન્ટેડ જાહેર કર્યો છે
ઉલ્લેખનીય છે કે, બોરસદ તાલુકાના પામોલ ગામની હિરલ પટેલના લગ્ન ત્રણેક વર્ષ પહેલા મૂળ કિંખલોડના પરંતુ હાલમાં કેનેડા ખાતે રહેતા રાકેશ મહેન્દ્રભાઈ પટેલ સાથે થયા હતા. બંનેનું લગ્નજીવન સુખરૂપ ચાલતું હતું પરંતુ ત્યારબાદ પતિ અને સાસરી પક્ષના સભ્યો દ્વારા તેણીને અસહ્ય ત્રાસ ગુજારવાનો ચાલુ કર્યો હતો.
જેને લઇને બે મહિના પહેલા બંનેને છૂટાછેડા થઈ ગયા હતા.હિરલ કેનેડા ખાતે રહેતા પોતાના ભાઈ વિનય અતુલભાઇ પટેલના ઘરે રહેવા જતી રહી હતી અને જોબ કરતી હતી. તા.૧૧મી ના રોજ જોબ પર ગયા બાદ તે ગુમ થઇ ગઇ હતી. બે દિવસ બાદ તેની લાશ ખાડી વિસ્તારમાંથી શંકાસ્પદ હાલતમાં મળી હતી. આ ઘટના સંદર્ભે ટોરેન્ટો પોલીસે તપાસ હાથ ધરતા તેનો પતિ રાકેશ પટેલ પણ ગુમ જણાયો હતો.
તેને લઈને પોલીસ દ્વારા તેને વોન્ટેડ જાહેર કરી દેવાયો છે. બીજીતરફ વિનયભાઈ પટેલને બહેન હિરલની હત્યાની જાણ થતાં ટોરેન્ટો રવાના થઇ બહેનના મૃતદેહની માગણી કરી હતી. અને શનિવારના રોજ અંતિમ વિધિ કરી હતી. હાલ તો કેનેડા પોલીસ દ્વારા હિરલની હત્યા કેવી રીતે થઈ તેની માહિતી આપવાની ના પાડી દીધી છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
