પ્રેમિકા સાથે લગ્ન કરવા માટે પતિએ પત્નીને ત્રાસ આપવાનુ શરૂ કર્યું અને કહ્યું કે તેની સાથે તો માત્ર તેણે દહેજ માટે લગ્ન કર્યા છે. બાકી તો લગ્ન પહેલા જ તેને અન્ય યુવતી સાથે પ્રેમ સંબંધ હતો. એટલું જ નહિ આરોપી પતિ એ પત્ની ને ધમકી આપી હતી કે જો તું મને બીજા લગ્નની મંજુરી નહિ આપે તો હું તને ક્યારેય બાળક નહિ થવા દઉં. અને પ્રેમિકા એ દીકરીને જન્મ આપતા આરોપીએ પિતા તરીકે પોતાનું નામ લખાવવાના બદલે યુવતીના પિતાનું નામ લખાવ્યું. ચાંદખેડા વિસ્તારમાં રહેતી એક મહિલા એ તેના પતિ અને પતિ ની પ્રેમિકા વિરુધમાં પોલીસ ફરિયાદ દાખલ કરાવી છે.
આ પણ વાંચો:ઉનાના ગીર પંથકમાં એક કલાકમાં બે ઇંચ વરસાદ પડતાં ખેડૂતો ખુશખુશાલ
મોટેરા વિસ્તારમાં 42 વર્ષીય મહિલા પોતાના પિતા સાથે રહે છે. મહિલાના લગ્ન 2005માં આંબાવાડી ભુદરપુરા ખાતે રહેતા યુવક સાથે થયા હતા. લગ્નના બે વર્ષ સુધી તેને સારી રીતે રાખી હતી. બાદમાં પતિ અવારનવાર રાતે નોકરી પરથી મોડા આવતા હતા. મોડા આવતા છતાં વિશ્વાસ રાખ્યો હતો.
જ્યારે મહિલા એ તેના પતિ ને સંતાન માટે પ્લાનિંગ કરવાનુ કહ્યું તો તેણે કહ્યું હતું કે લગ્ન પહેલા જ તેને તેની કંપનીમાં કામ કરતી રિસેપ્શનિસ્ટ સાથે પ્રેમ સંબંધ છે. અને જો તે મંજૂરી આપે તો તેની સાથે લગ્ન કરવા માંગે છે. જો કે તેણે એમ પણ કહ્યું હતું કે આપણા સમાજમાં બે લગ્ન ની મંજુરી છે. તે બંને ને સાથે રાખશે. અને જો ફરિયાદી મહિલા લગ્નની મંજૂરી નહીં આપે તો તેને ક્યારેય બાળક નહિ થવા દઉં કહીને ધમકી આપી હતી.
આ પણ વાંચો:પ્રદુષિત પાણીના કારણે પાક નિષ્ફળ જતા ધોરાજી ના વેગડી ખેડૂતનો આપઘાત
પતિની પ્રેમિકાની બહેનના લગ્ન પણ મહિલાના દિયર સાથે કરાવી દીધા હતા. અવારનવાર માનસિક ત્રાસ વધી જતાં પરિણીતાએ ચાંદખેડા પોલીસ સ્ટેશનમાં શારીરિક-માનસિક ત્રાસની ફરિયાદ નોંધાવી હતી. બાદમાં મહિલાને જાણ થઈ હતી કે, પતિએ તેમની પ્રેમિકા સાથે લગ્ન કરી લીધા છે અને તેમને ગર્ભ રહી જતા મણિનગર હોસ્પિટલમાં પુત્રને જન્મ આપ્યો છે. જેથી હોસ્પિટલમાં અને જન્મ મરણ ઓફિસમાં તપાસ કરતા બાળકીના પિતા તરીકે પોતાના પતિનું નામ લખ્યું હોવાની જાણ થઈ હતી. ચાંદખેડા પોલીસ સ્ટેશનમાં આ મામલે પતિ અને તેની પ્રેમિકા સામે ફરિયાદ નોંધાવતા પોલીસે ગુનો નોંધી તપાસ શરૂ કરી છે.
આ પણ વાંચો:MS ધોની જે કડકનાથ મરઘા ઉછેરે છે, તે હવે ગુજરાતના આ શહેરમાં પણ ઉપલબ્ધ…
આ પણ વાંચો: ચોટીલા-રાજકોટ હાઇવેની હોટલ પાછળની ઓરડીમાંથી બાયોડીઝલનો જથ્થો ઝડપાયો : રૂ. 3.23 લાખનો મુદામાલ જપ્ત
આ પણ વાંચો:માફી નહી, માનવ વધનો ખટલો ચલાવો” સાહેબ : પરેશ ધાનાણીનો કટાક્ષ
