અભિનેત્રી તમન્ના ભાટિયા આ દિવસોમાં વેબ સિરીઝ ‘લસ્ટ સ્ટોરીઝ 2’માં તેના અભિનયને કારણે ચર્ચામાં છે. આ વેબ સિરીઝમાં તે એક્ટર વિજય વર્મા સાથે લિપલોક કરતી જોવા મળી રહી છે. આ પહેલીવાર છે જ્યારે તમન્નાએ પોતાની ‘નો કિસિંગ’ પોલિસી તોડી છે. તમન્ના ઘણા વર્ષોથી ઇન્ડસ્ટ્રીનો હિસ્સો છે.
પરંતુ તેમના માટે અહીં પહોંચવું સરળ ન હતું. ઘણા લોકોએ અભિનેત્રીના વ્યક્તિત્વ પર પ્રશ્નો ઉઠાવ્યા હતા. તાજેતરમાં જ તમન્નાએ જણાવ્યું હતું કે એક વખત તેને કોઈએ કહ્યું પણ હતું કે તે એક પુરુષ ની જેમ ચાલે છે.
મોજો સ્ટોરી માટે બરખા દત્તને ઈન્ટરવ્યુ આપતાં તમન્નાએ કહ્યું- મને યાદ છે, એક પ્રોડ્યુસરે મને કહ્યું હતું કે ફિલ્મમાં મારે છોકરીની જેમ ચાલવું, લડવું, ડાન્સ કરવો અને મારો ગુસ્સો દર્શાવવો પડશે. મજાની વાત એ હતી કે મારે છોકરીની જેમ આ બધું કરવાનું શીખવું પડ્યું. મને ત્યાં સુધી કહેવામાં આવ્યું કે મારે છોકરીની જેમ ચાલવું જોઈએ, પુરુષની જેમ નહીં.
તમન્નાએ કહ્યું કે હું સ્કૂલમાં ‘ગુંડી’ હતી. આવી સ્થિતિમાં મારામાં ટોમ્બ બોયના ગુણો હતા. મને કહેવામાં આવ્યું કે તમે ભાઈની જેમ ચાલો છો, થોડું છોકરીની જેમ ચાલો. મેં કહ્યું ઠીક છે, પણ એ માટે તમારે મને ટ્રેન કરવી પડશે.
“હું મારી શાળામાં ‘દાદા’ ટાઈપ હતી. હું એક સમોસા માટે પણ લડતી હતી. હું એક ગુંડી હતી. પણ હા પહેલાથી જ હું મારી અંદર એ વાત રાખતી હતી કે મારે અભિનેત્રી બનવું છે. હું બરફીલા પહાડોમાં શિફોનની સાડી પહેરીને પોતાને ડાન્સ કરતી જોતી હતી. આ જ મારો ધ્યેય હતો.”
“જ્યારે હું ફિલ્મી દુનિયામાં આવી ત્યારે મારા માટે છોકરીની જેમ અભિનય કરવો ખૂબ જ મુશ્કેલ હતું. તે મારા માટે શારીરિક રીતે કંટાળાજનક અનુભવ હતો. મારે મારી પીઠ સીધી રાખીને ચાલવું પડતું હતું, મને આ બધા માટે તાલીમ આપવામાં આવી હતી. . ઘણી પ્રેક્ટિસ પછી હું બરાબર ચાલી શકી.”
તમન્ના ભાટિયા વેબ સિરીઝ ‘લસ્ટ સ્ટોરીઝ 2’માં જોવા મળી હતી. આ વેબ સિરીઝમાં ચાર નવી સ્ટોરીસ છે. આર બાલ્કી, કોંકણા સેન શર્મા, સુજોય ઘોષ અને અમિત શર્માએ આ વેબ સિરીઝનું નિર્દેશન કર્યું છે. મૃણાલ ઠાકુર, વિજય વર્મા, કાજોલ, અંગદ બેદી, નીના ગુપ્તા, અનુષ્કા કૌશિક, તિલોત્તમા શોમાં મહત્વની ભૂમિકાઓ ભજવી છે.
આ પણ વાંચો:Bollywood Masala/ બ્રેકઅપ પછી દિશા પટણી અને ટાઇગર શ્રોફનું થયું પેચ અપ? દેખાયા એકસાથે…
આ પણ વાંચો:Parineeti-Raghav/ પરિણીતી ચોપરાએ મંગેતર રાઘવ ચઢ્ઢા સાથે સુવર્ણ મંદિરમાં સેવા આપી, ગુરુદ્વારામાં ધોયા વાસણો
