ચાલુ નાણાકીય વર્ષના પ્રથમ (એપ્રિલ-જૂન) ક્વાર્ટરમાં ભારતનો GDP વૃદ્ધિ દર વધીને 8.5 ટકા થઈ શકે છે. ICRA રેટિંગ્સે મંગળવારે જાહેર કરેલા રિપોર્ટમાં આ અનુમાન લગાવ્યું છે. અગાઉના એટલે કે જાન્યુઆરી-માર્ચ ક્વાર્ટરમાં આર્થિક વૃદ્ધિ દર 6.1 ટકા હતો.
રેટિંગ એજન્સીએ જણાવ્યું હતું કે સાનુકૂળ બેઝ ઇફેક્ટ અને સર્વિસ સેક્ટરમાં સુધારાને પગલે વૃદ્ધિ મજબૂત રહેવાની ધારણા છે. રિઝર્વ બેંકે એપ્રિલ-જૂન 2023 ક્વાર્ટરમાં 8.1 ટકાના વૃદ્ધિ દરનો અંદાજ મૂક્યો છે. આમ ICRAનો અંદાજ સેન્ટ્રલ બેંકના અંદાજ કરતા વધારે છે.
બીજા ક્વાર્ટરમાં સમસ્યાઓ આવશે
ICRAના ચીફ ઈકોનોમિસ્ટ અદિતિ નાયરે જણાવ્યું હતું કે ચાલુ નાણાકીય વર્ષના બીજા ભાગમાં પ્રતિકૂળ સ્થિતિ જોવા મળી શકે છે. તેમણે જણાવ્યું હતું કે અનિયમિત વરસાદ, એક વર્ષ પહેલાં કોમોડિટીના ભાવમાં તફાવત અને સરકારી મૂડી ખર્ચની ગતિમાં મંદી હજુ પણ છે.
ICRAએ નાણાકીય વર્ષ 2023-24 માટે 6 ટકાના દરે વૃદ્ધિનું અનુમાન જાળવી રાખ્યું છે. જે આરબીઆઈના 6.5 ટકાના અંદાજ કરતા ઓછો છે. નાયરે જણાવ્યું હતું કે પ્રથમ ત્રિમાસિક ગાળામાં કમોસમી ભારે વરસાદ, નાણાકીય કઠોરતામાં સરળતા અને નબળી બાહ્ય માંગ જીડીપી વૃદ્ધિ પર દબાણ લાવે છે.
આ પણ વાંચો:reliance industries limited/LICએ મુકેશ અંબાણીના Jio Fin માં 6.66% હિસ્સો ખરીદ્યો
આ પણ વાંચો:Adani/ફરી એકવાર’ગૌતમ અદાણી’ની સંપત્તિમાં આવ્યો મોટો ઉછાળો, રેન્કમાં પણ થયો મોટો ફાયદો
આ પણ વાંચો:Jio Financial-Lower Circuit/જિયો ફાઇનાન્સિયલના શેરમાં વગર હિન્ડનબર્ગે લાગી નીચલી સર્કિટ
