પાકિસ્તાની સીમા હૈદરે હવે ચંદ્રયાન-3ના સફળ ઉતરાણ માટે ઉપવાસ રાખ્યા છે. તેનો વીડિયો સીમાએ તેના ઈન્સ્ટાગ્રામ એકાઉન્ટ પર પણ શેર કર્યો છે. સીમાએ કહ્યું કે જો કે મારી તબિયત સારી નથી, પરંતુ મેં ચંદ્રયાન-3 માટે ઉપવાસ રાખ્યો છે. જ્યાં સુધી તે ચંદ્ર પર સફળતાપૂર્વક ઉતરશે નહીં, ત્યાં સુધી હું કંઈ ખાઈસ કે પીશ નહીં.
વીડિયોમાં સીમાએ કહ્યું કે હું પ્રાર્થના કરું છું કે આપણા દેશનું ચંદ્રયાન-3 આજે સાંજે ચંદ્ર પર સફળતાપૂર્વક ઉતરે. આ મારા દેશ ભારતનું નામ રોશન કરશે. હું ભગવાન રાધે-કૃષ્ણમાં ઘણો વિશ્વાસ કરું છું. હું બધા દેવતાઓને પ્રાર્થના કરું છું કે ચંદ્રયાન-3 સફળ થાય.
સીમાએ કહ્યું કે વડાપ્રધાન નરેન્દ્ર મોદી દેશની પ્રગતિ માટે ખૂબ જ મહેનત કરી રહ્યા છે. જો ચંદ્રયાન-3ને સફળતા મળશે તો આપણો દેશ ભારત સમગ્ર વિશ્વમાં પ્રભુત્વ મેળવશે. મારું ભારત મોખરે રહે એવી મારી પ્રાર્થના છે. રાધે-કૃષ્ણ, રાધે-કૃષ્ણ.
તમને જણાવી દઈએ કે, ભારતનું મૂન મિશન એટલે કે ચંદ્રયાન-3 આજે સાંજે ચંદ્રની સપાટી પર ઉતરવા માટે તૈયાર છે. ચંદ્રની સપાટી પર ઉતરતાની સાથે જ ભારત ચંદ્રના દક્ષિણ ધ્રુવ પર પહોંચનાર પ્રથમ દેશ બની જશે. ચંદ્રયાન-3નું લેન્ડર-રોવર ચંદ્ર પર 1 દિવસ કામ કરશે, જે પૃથ્વી પરના 14 દિવસની બરાબર છે. ઈસરોના આ મહત્વાકાંક્ષી મિશન સાથે સમગ્ર દેશની આશાઓ જોડાયેલી છે. ચંદ્રયાન-3એ સમગ્ર દેશને એક કરી દીધો છે. મંદિરોમાં પ્રાર્થનાઓ થઈ રહી છે. મસ્જિદોમાં નમાજ પઢવામાં આવી રહી છે. આખો દેશ ચંદ્રયાન-3ને લઈને ઉત્સાહિત છે.
સોશિયલ મીડિયા પર ચંદ્રયાન ટ્રેન્ડ કરી રહ્યું છે. જ્યાં લોકો અલગ-અલગ રીતે પોતાની ખુશી વ્યક્ત કરી રહ્યા છે. આ બધાની વચ્ચે ચંદ્રયાન-3ની સફળતા માટે કાશી, હરિદ્વારમાં હવન-પૂજન અને તમિલનાડુના રામેશ્વરમમાં પ્રાર્થના કરવામાં આવી. પુણેના સિદ્ધિવિનાયક મંદિરમાં પણ લોકોએ પ્રાર્થના કરી હતી. દેશના દરેક ખૂણેથી લોકો ‘મૂન મિશન’ની સફળતા માટે શુભેચ્છા પાઠવી રહ્યા છે.
ચંદ્રની સપાટી પર સોફ્ટ લેન્ડિંગમાં સફળ થયા બાદ અંતરિક્ષ ક્ષેત્રે ભારત તરફથી આ એક મોટી છલાંગ હશે. કારણ કે ચંદ્રના આ ભાગ પર સોફ્ટ લેન્ડિંગ કરવામાં દુનિયાનો કોઈ દેશ સફળ થયો નથી.
આ પણ વાંચો:Chandrayaan 3 Landing/15 વર્ષમાં ત્રીજું ચંદ્ર મિશન, લાગે છે કે ચંદ્ર ઈસરોને વારંવાર આપે છે આમંત્રણ
આ પણ વાંચો:Chandrayaan 3/ભારતમાં પડી રહ્યો છે વરસાદ, ચંદ્ર પર કેવું છે હવામાન? વિક્રમના લેન્ડિંગ પહેલા જાણો રહસ્ય
આ પણ વાંચો:OMG!/આ સુપ્રસિદ્ધ કાર કંપનીઓની નજર ચંદ્ર પર! એડવાન્સ મૂન રોવર્સ વડે ચંદ્રને માપવાની તૈયારી
