Germany: તમે ઘણી વાર સાંભળ્યું હશે કે રસ્તા પર ઝડપી કાર ચલાવવા અને કાર રોકીને વીડિયો બનાવવા બદલ ઘણા લોકોને સજા કરવામાં આવે છે, પરંતુ શું તમે ક્યારેય સાંભળ્યું છે કે રસ્તામાં કારનું પેટ્રોલ ખલાસ થઇ જાય તો સજા થઈ હોય? જી હા, દુનિયામાં એક એવો દેશ છે જ્યાં તમે ગમે તેટલી ઝડપથી ગાડી ચલાવો, તેના પર કોઈ પ્રતિબંધ નથી, પરંતુ જો તમારી કારમાં રસ્તાની વચ્ચે પેટ્રોલ ખલાસ થઇ જાય તો તમને તેની સજા થઈ શકે છે. એટલું જ નહીં, આ દેશમાં બીજા પણ ઘણા નિયમો છે, જે વિચિત્ર લાગે તેવા છે.
રસ્તામાં ઇંધણ ખલાસ થાય તો સજા
જર્મની(Germany)નું નામ તો બધાએ સાંભળ્યું જ હશે. આ એ જ જર્મની છે, જ્યાં હિટલર સરમુખત્યાર હતો, જેના કારણે બીજું વિશ્વ યુદ્ધ થયું હતું. જોકે જર્મની દેશ બીજા વિશ્વયુદ્ધ દરમિયાન એકદમ ગરીબ બની ગયો હતો, પરંતુ આજે તેની ગણતરી વિશ્વના સૌથી શક્તિશાળી દેશોમાં થાય છે. આજે એન્જિનિયરિંગ ક્ષેત્રે આખી દુનિયામાં સૌથી પહેલું નામ જર્મનીનું આવે છે.
જર્મનીમાં હાઇવે પર તમે ઇચ્છો તેટલી ઝડપથી વાહન ચલાવી શકો છો, આ માટે કોઇપણ પ્રકારની સજાની જોગવાઇ નથી. પરંતુ જો તમારા વાહનનું ઇંધણ રસ્તાની વચ્ચે જ ખલાસ થઈ જાય તો અહીં તેને ગુનો ગણવામાં આવશે અને તેના માટે તમને સજા થઈ શકે છે અથવા દંડ થઈ શકે છે.
કેટલીક અન્ય વાતો
વિશ્વમાં સૌથી વધુ પ્રાણી સંગ્રહાલય જર્મનીમાં છે. ‘ઉલ્મ મિન્સ્ટર’ નામનું વિશ્વનું સૌથી ઊંચું ચર્ચ ફક્ત જર્મનીમાં જ છે. આ ચર્ચ લગભગ 530 ફૂટ ઊંચું છે. આ ચર્ચ એટલું મોટું છે કે તેમાં લગભગ બે હજાર લોકો આરામથી બેસી શકે છે. સામાન્ય રીતે, ભારત અને વિશ્વના ઘણા દેશોમાં, લોકો અગાઉથી જન્મદિવસની શુભેચ્છા પાઠવે છે, પરંતુ જર્મનીમાં, સમય પહેલા જન્મદિવસની શુભેચ્છા પાઠવવી એ અશુભ માનવામાં આવે છે. તેથી જ અહીં લોકો કોઈને તેમના જન્મદિવસના દિવસે જ અભિનંદન અથવા શુભેચ્છા પાઠવે છે.
લોકો ફોન પર હેલોને બદલે નામ બોલે છે
વિશ્વનું પ્રથમ સામયિક 1663 એડી માં જર્મનીમાં શરૂ થયું હતું. આ સિવાય વિશ્વમાં સૌથી વધુ પુસ્તકો છાપનારા દેશોની યાદીમાં જર્મનીનું નામ પણ સામેલ છે. અહીં દર વર્ષે 94 હજારથી વધુ પુસ્તકો છપાય છે. એક રસપ્રદ વાત એ છે કે સામાન્ય રીતે લોકો કોઈને ફોન કરે છે અથવા ફોન ઉપાડે છે, પછી તેઓ પહેલા ‘હેલો’ કહે છે. એ પછી આગળની વાત શરૂ કરે છે. પરંતુ અહીં લોકો ફોન પર હેલો નથી કહેતા અને પોતાનું નામ જણાવીને સીધી વાત કરવાનું શરૂ કરી દે છે.
