Gandhinagar News : ગુજરાત સાહિત્ય અકાદમીએ વિશ્વ માતૃભાષા દિવસના માનમાં વિશ્વ માતૃભાષા સપ્તાહની ઉજવણી કરી. જેમાં 34 જિલ્લાઓમાં 365 સ્થળોએ કાર્યક્રમો યોજાયા હતા. આ ભવ્ય પહેલના ભાગરૂપે ભારતીય શિક્ષક શિક્ષણ સંસ્થા (IITE) એ 19 ફેબ્રુઆરી, 2025 ના રોજ “મારી ભાષા, મારુ ગૌરવ” થીમ હેઠળ માતૃભાષા મહોત્સવ 2025નું આયોજન કર્યું હતું.
આ કાર્યક્રમ સાહિત્ય, સંગીત અને સાંસ્કૃતિક અભિવ્યક્તિનો જીવંત સંગમ હતો. જેમાં ગુજરાતી ભાષાની સમૃદ્ધિને માન આપવા માટે જાણીતા કલાકારો અને ઉત્સાહી પ્રેક્ષકોને એક સાથે લાવવામાં આવ્યા હતા. IITE ખાતે યોજાયેલ માતૃભાષા મહોત્સવ 2025માં કવિતા, સંગીત અને વાર્તા કહેવાના આકર્ષક મિશ્રણ સાથે, ગુજરાતની સાંસ્કૃતિક સમૃદ્ધિ અને તેની માતૃભાષાના કાલાતીત વારસાની પુનઃ પુષ્ટિ કરવામાં આવી હતી.
આ ઉજવણીમાં લોકસાહિત્યકાર સિદ્ધ ચારણ ગાયકો, કંદર્પ શુક્લ અને માયાબેન ચૌહાણ ઉપસ્થિત રહ્યા હતા. કાર્યક્રમના સંયોજક અમિત બારોટ અને સંચાલન સૌરવ પંડ્યા દ્વારા કરવામાં આવ્યું હતું. કાર્યક્રમની શરૂઆત નરસિંહ મહેતાની કવિતાના સાથે થઈ હતી. ત્યારબાદ લોકસંગીત, સુગમ ગીત અને પરંપરાગત ગુજરાતી કવિતાના પ્રસ્તુતિ દ્વારા કાર્યક્રમમાં ચાર ચાંદ લાગ્યા હતા. પ્રેક્ષકો ખાસ કરીને વિદ્યાર્થીઓ, સાંસ્કૃતિક ઉત્સાહમાં ડૂબી ગયેલા જોવા મળ્યા હતા. તેઓએ કલાકારો સાથે ગાવાનું શરુ કરી ગાયકોમાં ઉત્સાહિત પ્રેરિત કર્યો હતો.
માતૃભાષા મહોત્સવની ઉજવણીમાં મંચ પર ગુજરાતી કવિતા, છંદ, દોહા અને ડાયરાના લયથી ગુંજી ઉઠ્યું. જેમાં જાગ ને જાદવા, મથુરાના રાજા, સદા સૌમ્યશીલ ગુજરાતી, હુ ગ્લોબલ ગુજરાતી જેવા કાવ્યનો સમાવેશ થાય છે. દરેક ગીત આકર્ષક વાર્તાકથન સાથે ગવાતું જે મૂળ ગુજરાતના સાંસ્કૃતિક વારસા સાથે સંબંધ રાખે છે અને માતૃભાષાની જાળવણીના મહત્વને મજબૂત કરે છે. વધુમાં ચાંદ-મુંડની દંતકથા અને દેવી ચામુંડાના આહ્વાનએ ઉજવણીમાં આધ્યાત્મિક પરિમાણ ઉમેર્યું.
આ પણ વાંચો: 3 એસ્ટરોઇડ પૃથ્વી સાથે ટકરાશે; એક 32000KMની ઝડપે આવી રહ્યું છે, વિનાશની ચેતવણી
આ પણ વાંચો: જ્યારે એસ્ટરોઇડ અવકાશયાન સાથે અથડાયું ત્યારે નાસાએ ઇતિહાસ રચ્યો હતો
આ પણ વાંચો: એસ્ટરોઇડ ક્યારે પૃથ્વીની નજીક પહોંચશે?, જાણો શું કહે છે વૈજ્ઞાનિકો
