IMD Weather Alert: ભારતીય હવામાન વિભાગ (IMD)એ દેશના 23 રાજ્યોમાં ભારે વરસાદ અને વાવાઝોડાને લઈને ચેતવણી જાહેર કરી છે. દિલ્હી-NCR સહિત ઉત્તર પ્રદેશ, બિહાર, મધ્ય પ્રદેશ, રાજસ્થાન, ઉત્તરાખંડ, હિમાચલ પ્રદેશ અને જમ્મુ-કાશ્મીરના અનેક વિસ્તારોમાં આગામી દિવસોમાં વરસાદની શક્યતા છે. કેટલાક વિસ્તારોમાં ભારે પવન સાથે વીજળી પડવાની પણ સંભાવના વ્યક્ત કરવામાં આવી છે.
દિલ્હી-NCRમાં ભારે વરસાદની આગાહી
દિલ્હી, નોઈડા, ગાઝિયાબાદ, ફરીદાબાદ અને ગુરુગ્રામમાં ભારે વરસાદ પડી શકે છે. આ વિસ્તારોમાં પવનની ઝડપ 40 કિમી પ્રતિ કલાક સુધી પહોંચી શકે છે. વરસાદને કારણે કેટલાક વિસ્તારોમાં પાણી ભરાવાની સ્થિતિ સર્જાવાની શક્યતા પણ છે.
ઉત્તર પ્રદેશમાં અનેક જિલ્લાઓ એલર્ટ પર
ઉત્તર પ્રદેશના આંબેડકર નગર, અમેઠી, અયોધ્યા, આઝમગઢ, બાગપત, બલિયા, બાંદા, બસ્તી, ચંદૌલી, ચિત્રકૂટ, દેવરિયા, ગાઝીપુર, ગોંડા, ગોરખપુર, હમીરપુર, જૌનપુર, ઝાંસી, કુશીનગર, મહોબા, મુઝફ્ફરનગર, પ્રતાપગઢ, મેરઠ, નગર, શામલી, સુલતાનપુર અને વારાણસી સહિતના વિસ્તારોમાં ભારે વરસાદની ચેતવણી છે. કેટલાક વિસ્તારોમાં પવનની ઝડપ 65 કિમી પ્રતિ કલાક સુધી પહોંચી શકે છે.
બિહારમાં વાવાઝોડા સાથે વરસાદ
બિહારના પૂર્ણિયા, જહાનાબાદ, દરભંગા, ભાગલપુર, વૈશાલી, લખીસરાય, મધુબની, કિશનગંજ, બેગુસરાય, સિવાન અને બક્સર સહિતના જિલ્લાઓમાં વરસાદ અને વાવાઝોડાની શક્યતા છે. કેટલાક વિસ્તારોમાં પવનની ઝડપ 80 કિમી પ્રતિ કલાક સુધી પહોંચી શકે છે.
મધ્ય પ્રદેશ અને રાજસ્થાનમાં પણ એલર્ટ
મધ્ય પ્રદેશના છતરપુર, દતિયા, ગ્વાલિયર, નિવારી, પન્ના, રીવા, સતના, સીધી, સિંગરૌલી અને ટીકમગઢમાં ભારેથી અતિભારે વરસાદની સંભાવના છે.
રાજસ્થાનના ચુરુ, પાલી, બારાં, રાજસમંદ, ઉદયપુર, બિકાનેર, જયપુર, શ્રીગંગાનગર, કરૌલી, ડીગ, ઝાલાવાડ, ચિત્તોડગઢ, બાલોતરા, કોટા, હનુમાનગઢ અને ભરતપુરમાં પણ ભારે વરસાદ સાથે વાવાઝોડાની ચેતવણી આપવામાં આવી છે.
પહાડી રાજ્યોમાં ખાસ સાવચેતીની સલાહ
ઉત્તરાખંડના બાગેશ્વર, ચંપાવત, દેહરાદૂન, પિથોરાગઢ, ઋષિકેશ, હરિદ્વાર અને ટિહરી ગઢવાલમાં ભારે વરસાદની શક્યતા છે. હિમાચલ પ્રદેશના સોલન, કાંગડા, ઉના, લાહૌલ-સ્પિતિ, મંડી, કુલ્લુ અને બિલાસપુરમાં પણ ભારે વરસાદ પડી શકે છે.
જમ્મુ-કાશ્મીરના જમ્મુ, કિશ્તવાડ, ઉધમપુર, શ્રીનગર, બડગામ, અનંતનાગ અને બારામુલ્લામાં છૂટાછવાયા સ્થળોએ ભારે વરસાદ, વાવાઝોડું અને તેજ પવનની શક્યતા છે.
IMDની ચેતવણીને ધ્યાનમાં રાખીને ખાસ કરીને પહાડી વિસ્તારોમાં મુસાફરી કરતા લોકોને સાવચેતી રાખવાની સલાહ આપવામાં આવી છે. ભારે વરસાદ દરમિયાન નદી-નાળા અને નીચાણવાળા વિસ્તારોમાં જવાનું ટાળવા તેમજ સ્થાનિક વહીવટીતંત્રની સૂચનાઓનું પાલન કરવા અપીલ કરવામાં આવી છે.
આ પણ વાંચો: આ તારીખોથી ગુજરાતમાં બદલાઈ શકે છે હવામાન, અંબાલાલ પટેલે વરસાદ અંગે કરી આગાહી
આ પણ વાંચો: દિલ્હીમાં ભારે વરસાદથી દિવસમાં અંધારું, 4 રાજ્યોમાં ઓરેન્જ એલર્ટ
આ પણ વાંચો: ગુજરાતમાં વરસાદની સ્થિતિમાં સુધારો, આગામી 7 દિવસ સામાન્ય વરસાદની શક્યતા
