Dang News : ડાંગ જિલ્લાના સાપુતારા બસ ડેપો (Saputara Bus Depot)માં દિવ્યાંગ મુસાફરો માટેની શૌચાલય સુવિધા અને સફાઈ વ્યવસ્થામાં સુધારો જોવા મળ્યો છે. મોન્સૂન ફેસ્ટિવલ દરમિયાન નાયબ મુખ્યમંત્રી હર્ષ સંઘવી (Harsh Sanghavi)એ બસ ડેપોની વ્યવસ્થાને લઈને ટકોર કરી હતી. ત્યારબાદ તંત્ર દ્વારા કામગીરીમાં સુધારો કરવામાં આવ્યો છે.
મળતી માહિતી મુજબ, સાપુતારા બસ ડેપો (Saputara Bus Depot)માં દિવ્યાંગો માટેના શૌચાલયની સુવિધા (Divyang Toilet Facility)કાર્યરત કરવામાં આવી છે અને તેની સફાઈ પર પણ ધ્યાન આપવામાં આવી રહ્યું છે. અગાઉની સ્થિતિ અંગે રજૂ થયેલી ફરિયાદો બાદ હવે સ્થળ પર વ્યવસ્થા સુધરતી જોવા મળી રહી છે.
જિલ્લા પંચાયત પ્રમુખે સાપુતારા બસ ડેપો (Saputara Bus Depot)ની કરી આકસ્મિક મુલાકાત
ડાંગ જિલ્લા પંચાયત પ્રમુખ રાજેશ ગામીતે (Rajesh Gammit)સાપુતારા બસ ડેપોની આકસ્મિક મુલાકાત લઈને સ્થળ પરની વ્યવસ્થાનું નિરીક્ષણ કર્યું હતું. તેમણે શૌચાલય સહિત મુસાફરોને મળતી સુવિધાઓની સ્થિતિ અંગે માહિતી મેળવી હતી.
રાજેશ ગામીતે સમગ્ર કામગીરી અંગે નાયબ મુખ્યમંત્રી હર્ષ સંઘવીને અહેવાલ આપ્યો હતો. સામાન્ય લોકો અને ખાસ કરીને દિવ્યાંગ મુસાફરોને પડતી મુશ્કેલીઓમાં કોઈપણ પ્રકારની બાંધછોડ ન કરવાની સૂચનાને પગલે જિલ્લામાં તંત્ર દ્વારા કાર્યવાહી હાથ ધરવામાં આવી છે.
સામાન્ય લોકોની સમસ્યાઓને પ્રાથમિકતા
હર્ષ સંઘવી (Harsh Sanghavi)ની ટકોર બાદ સાપુતારા બસ ડેપોમાં થયેલા સુધારાને તંત્રની સક્રિયતાના ઉદાહરણ તરીકે જોવામાં આવી રહ્યો છે. જાહેર સ્થળોએ સ્વચ્છતા, શૌચાલય અને મુસાફરોની મૂળભૂત સુવિધાઓ યોગ્ય રીતે જળવાય તે માટે તંત્ર દ્વારા વધુ ધ્યાન આપવામાં આવી રહ્યું છે.
ખાસ કરીને પ્રવાસન સ્થળ એવા સાપુતારામાં મોન્સૂન ફેસ્ટિવલ દરમિયાન મોટી સંખ્યામાં પ્રવાસીઓ આવતા હોવાથી બસ ડેપો સહિત જાહેર સુવિધાઓ વ્યવસ્થિત રહે તે મહત્વનું છે. હવે દિવ્યાંગ શૌચાલય અને સફાઈ વ્યવસ્થામાં થયેલા સુધારાથી મુસાફરોને રાહત મળવાની આશા છે.
