પાકિસ્તાનનાં વડા પ્રધાન ઇમરાન ખાને એક બનાવટી વીડિયો શેર કરીને ભારત પર નિશાન સાધ્યું, ત્યારે પાકિસ્તાનનો નફરતપૂર્ણ ચહેરો ફરી એકવાર દુનિયાની સામે આવ્યો. હકીકતમાં, દેશભરમાં નાગરિકતા સુધારા કાયદા વિરુદ્ધ ચાલી રહેલા આંદોલન વચ્ચે ઇમરાન ખાને એક વીડિયો શેર કર્યો હતો, જેમાં પોલીસ કેટલાક લોકો પર હુમલો કરી રહી છે. વીડિયોના કેપ્શનમાં ઇમરાને લખ્યું છે કે – ભારતીય પોલીસ ઉત્તર પ્રદેશના મુસ્લિમો પર અત્યાચાર કરી રહી છે. વીડિયોને નજીકથી જોતી વખતે પોલીસ યુનિફોર્મ અને શસ્ત્રો ઉપર RAB (આરએબી) લખેલું છે
RABનો અર્થ રેપિડ એક્શન બટાલિયન છે, જે બાંગ્લાદેશ પોલીસનું ભદ્ર અપરાધ અને આતંકવાદ વિરોધી એકમ છે. આવી સ્થિતિમાં ઇમરાને વીડિયોને ભારતનો કહીને મોટી ભૂલ કરી હતી. જણાવી દઈએ કે આ વીડિયો એક જ મેસેજ સાથે ફેસબુક, વોટ્સએપ પર પણ વાયરલ થયો હતો. વીડિયોની સત્યતા બહાર આવતાની સાથે જ લોકો ઈમરાનને ખરાબ રીતે ટ્રોલ કરી રહ્યા છે.
યુપી પોલીસે અહીં સ્પષ્ટ પણ કરી દીધું છે કે આ વીડિયો નકલી છે અને તેમની તરફથી આવી કોઈ કાર્યવાહી કરવામાં આવી નથી. ખરાબ રીતે ટ્રોલ થયા બાદ ઇમરાને આ વીડિયોને પોતાના એકાઉન્ટ પરથી હટાવવાની ફરજ પડી હતી. ઇમરાન ખાન દ્વારા આ ખોટી રીતે ભારતને ચિંતરવા માટે અપલોડ કરતા વીડિયો ડિલીટ કરી દેવામાં આવતા જ પાકિસ્તાન અને ઇમરાનનું જુઠ્ઠાણું ફરી દુનિયા સામે આવ્યું છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
