Vikas Yatras in MP મધ્યપ્રદેશમાં સત્તારૂઢ ભાજપે આવતા વર્ષે રાજ્યવ્યાપી ‘વિકાસ યાત્રાઓ’ કાઢવાનો નિર્ણય કર્યો છે. શુક્રવારે શિવરાજ સિંહ ચૌહાણના મંત્રીઓની બેઠકમાં ભાજપના રાજ્ય એકમે આ નિર્ણય લીધો હતો. વિકાસ યાત્રા દરમિયાન પાર્ટીના નેતાઓ શિલાન્યાસ કરશે અને યોજનાઓનું ઉદ્ઘાટન કરશે. મધ્યપ્રદેશમાં 2023ના અંત સુધીમાં વિધાનસભાની ચૂંટણી યોજાવાની છે. રાજ્યની 230 સભ્યોની વિધાનસભામાં ભાજપ પાસે 127 અને વિપક્ષ કોંગ્રેસ પાસે 96 સભ્યો છે. આ બેઠકનું આયોજન ભાજપના પ્રદેશ મુખ્યાલયમાં કરવામાં આવ્યું હતું.
ગૃહ પ્રધાન નરોત્તમ મિશ્રાએ પત્રકારોને જણાવ્યું હતું કે, “રાજ્યવ્યાપી વિકાસ યાત્રાઓ આવતા વર્ષે 1 થી 15 ફેબ્રુઆરી દરમિયાન યોજાશે. આ દરમિયાન ભાજપના જનપ્રતિનિધિઓ શિલાન્યાસ કરશે અને વિકાસ કામોનું લોકાર્પણ કરશે.તેમણે જણાવ્યું હતું કે, બેઠકમાં વિકાસ યોજનાઓની કામગીરી અને તેમના ચાર્જ હેઠળના જિલ્લાઓમાં ચાલી રહેલા વિકાસના કામોની માહિતી રાજ્યને આપવામાં આવી હતી.
મિશ્રાએ જણાવ્યું કે બેઠકમાં મંત્રીઓને ગરીબ વસાહતો અને અનુસૂચિત જાતિ અને આદિજાતિ છાત્રાલયોનું ઓચિંતું નિરીક્ષણ કરવા અને જ્યારે તેઓ પ્રભારી જિલ્લાઓમાં જાય ત્યારે વિદ્યાર્થીઓ સાથે વાતચીત કરવા માટે કહેવામાં આવ્યું છે. આ બેઠકમાં સીએમ શિવરાજ સહિતના નેતાઓએ હાજરી આપી હતી તેમણે કહ્યું કે, ચાર વિભાગમાં મુખ્યમંત્રીના જનસેવા અભિયાનના કાર્યક્રમો પૂર્ણ થયા છે. કાર્યક્રમોમાં 83 લાખ લોકોને અધિકાર પત્રો આપવામાં આવ્યા છે. બાકીના વિભાગોમાં પણ ટૂંક સમયમાં કાર્યક્રમોનું આયોજન કરવામાં આવશે. મિશ્રાએ જણાવ્યું કે 4 જાન્યુઆરીએ મુખ્ય મંત્રી ભૂ અધિકાર આવાસ યોજનાનો મોટો કાર્યક્રમ યોજાશે. આ બેઠકમાં મંત્રીઓ ઉપરાંત પ્રદેશ પ્રભારી મુરલીધર રાવ, પ્રદેશ અધ્યક્ષ વિષ્ણુદત્ત શર્મા, મુખ્યમંત્રી શિવરાજ સિંહ ચૌહાણ અને રાજ્ય સંગઠન મહાસચિવ હિતાનંદ હાજર હતા. ઉલ્લેખનીય છે કે, શાસક પક્ષ ભાજપ વિધાનસભા ચૂંટણીને ‘મિશન-2023’ તરીકે લઈ રહી છે.આવનાર ચૂંટણીની તડામાર તૈયારીમાં ભાજપ લાગી ગયું છે.
