રાતોરાત મહારાષ્ટ્રના રાજકારણમાં મોટો ઉથલપાથલ જોવા મળી છે. મહારાષ્ટ્રમાં ભાજપ અને એનસીપીએ સરકાર બનાવી છે. શનિવારે સવારે ફરીથી દેવેન્દ્ર ફડણવીસે રાજ્યના મુખ્ય પ્રધાન તરીકે શપથ લીધા હતા, જ્યારે એનસીપી નેતા અજિત પવારે ડેપ્યુટી સીએમ તરીકે શપથ લીધા હતા.
મુખ્યમંત્રી પદના શપથ લીધા બાદ દેવેન્દ્ર ફડણવીસે કહ્યું કે જનતાએ અમને સ્પષ્ટ આદેશ આપ્યો છે, શિવસેનાએ આદેશનું અપમાન કર્યું છે. મહારાષ્ટ્રના લોકો ખીચડી સરકાર નહીં પણ સ્થિર સરકાર ઇચ્છે છે. સીએમ ફડણવીસે કહ્યું કે તેઓ મહારાષ્ટ્રના ઉજ્જવળ ભવિષ્ય માટે એનસીપી સાથે મળીને કામ કરશે.
જણાવી દઈએ કે અત્યાર સુધી રાષ્ટ્રવાદી કોંગ્રેસ પાર્ટી, કોંગ્રેસ અને શિવસેના સરકાર બનાવવાની કવાયતમાં વ્યસ્ત હતા. તેમની વચ્ચે અનેક રાઉન્ડ મીટિંગો પણ યોજવામાં આવી હતી, જેમાં સરકારનું બ્લુપ્રિન્ટ તૈયાર કરવા પર ચર્ચા થઈ હતી.
આ પહેલા શુક્રવારે એનસીપી, કોંગ્રેસ અને શિવસેના વચ્ચે બે કલાક બેઠક થઈ હતી, જેમાં ઉદ્ધવ ઠાકરેના નામ પર મહારાષ્ટ્રના મુખ્ય પ્રધાન તરીકે સંમતિ આપવામાં આવી હતી. આ બેઠક બાદ એનસીપીના પ્રમુખ શરદ પવારે કહ્યું કે ઠાકરેના નામ ઉપરના પદ માટે સહમત થયા છે. પરંતુ શનિવારે સવારે રાજકીય ઉથલપાથલ વચ્ચે ભાજપે રાજ્યમાં એનસીપી સાથે મળીને સરકાર બનાવી અને શિવસેના અને કોંગ્રેસ જોતી રહી ગઈ.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
