બે દિવસ પહેલા ઈન્ટરનેશનલ મોનેટરી ફંડ (IMF) એ ભારતના વિકાસના અનુમાનમાં 60 બેસિસ પોઈન્ટનો ઘટાડો કર્યો હતો. પરંતુ અંદાજમાં ઘટાડા છતાં IMFએ ભારતને વિશ્વનું સૌથી ઝડપથી વિકસતું અર્થતંત્ર પણ ગણાવ્યું છે. મુખ્ય અર્થશાસ્ત્રી પિયર ઓલિવિયર ગૌરીનચાસે ભારતીય અર્થવ્યવસ્થાના વખાણ કરતા વિશ્વાસ વ્યક્ત કર્યો હતો કે ભારત 10 ટ્રિલિયન ડોલરનું અર્થતંત્ર બનવાની ક્ષમતા ધરાવે છે.
IMFના મુખ્ય અર્થશાસ્ત્રી પિયર ઓલિવિયર ગૌરીનચાસે ભારતીય અર્થવ્યવસ્થાને 10 ટ્રિલિયન ડોલરની અર્થવ્યવસ્થા બનાવવાની ફોર્મ્યુલા સૂચવી છે. ગૌરીંચાસના મતે શિક્ષણ અને આરોગ્યમાં રોકાણ વધારીને ભારતીય અર્થવ્યવસ્થાને વેગ આપી શકાય છે. તેના દ્વારા ભારત 10 ટ્રિલિયન ડોલરની અર્થવ્યવસ્થાની નજીક પહોંચી શકે છે.
આ સાથે તેમણે કેટલાક નક્કર પગલાં ભરવાની સલાહ આપી છે, જેના આધારે ભારત પોતાનું લક્ષ્ય હાંસલ કરી શકે. તેમણે કહ્યું કે ભારત ઈમારતો અને રસ્તાઓમાં રોકાણ કરી રહ્યું છે, પરંતુ જો માનવ સંસાધનમાં રોકાણ વધશે તો ભારત પણ આગળ વધશે.
