India Weather Forecast: હોળી બાદ દેશના અનેક ભાગોમાં અચાનક વાતાવરણમાં પલટો જોવા મળી રહ્યો છે. હવામાન વિભાગ (IMD) એ 25 માર્ચ 2026 માટે ઉત્તર અને પૂર્વ ભારતના રાજ્યોમાં ભારે વરસાદ અને ગાજવીજ સાથે આંધી-તોફાનનું એલર્ટ જાહેર કર્યું છે. વેસ્ટર્ન ડિસ્ટર્બન્સના કારણે માર્ચ મહિનાના અંત સુધી ગરમીથી રાહત રહેવાની શક્યતા છે.

Indiaના કયા રાજ્યોમાં છે ખતરો?

હવામાન વિભાગે ઉત્તર પ્રદેશ, પંજાબ, હરિયાણા, દિલ્હી, બિહાર અને ઝારખંડ સહિત કુલ 12 રાજ્યોમાં કમોસમી વરસાદની આગાહી કરી છે . આ સમયગાળા દરમિયાન 75 કિલોમીટર પ્રતિ કલાકની ઝડપે પવન ફૂંકાઈ શકે છે, જે ખેતીના પાકને નુકસાન પહોંચાડી શકે છે.

રાજ્યવાર હવામાનની સ્થિતિ:

દિલ્હી-NCR: રાજધાની દિલ્હીમાં 26 માર્ચથી વરસાદની શરૂઆત થશે. આકાશમાં વાદળો છવાયેલા રહેશે અને 40 કિમીની ઝડપે પવન ફૂંકાશે. 25 માર્ચે મહત્તમ તાપમાન 32°C અને લઘુત્તમ 20°C રહેવાની ધારણા છે.

ઉત્તર પ્રદેશ: યુપીના આગ્રા, વારાણસી, પ્રયાગરાજ અને સોનભદ્ર જેવા જિલ્લાઓમાં 27 માર્ચથી વરસાદની ચેતવણી છે. લખનઉમાં તાપમાન 33°C ની આસપાસ રહેશે.

બિહાર અને ઝારખંડ: પૂર્વી ભારતમાં (India) આકાશી વીજળી પડવાની સંભાવના વધુ છે. બિહારના પટના, ગયા અને મુઝફ્ફરપુર સહિતના જિલ્લાઓમાં 50 થી 60 કિમીની ઝડપે પવન ફૂંકાશે.

પહાડી રાજ્યો: ઉત્તરાખંડ અને હિમાચલ પ્રદેશમાં 29-30 માર્ચ દરમિયાન ભારે વરસાદ અને બરફવર્ષાની શક્યતા છે. મનાલીમાં લઘુત્તમ તાપમાન માઈનસ 6 ડિગ્રી સુધી જઈ શકે છે.

ખેડૂતો માટે મહત્વની સલાહ

Indiaના હવામાન વિભાગે પૂર્વ ભારતના (India)ખેડૂતોને આકાશી વીજળીથી બચવા માટે ખુલ્લા ખેતરોમાં ન જવાની સલાહ આપી છે. બિહાર અને બંગાળમાં વાવાઝોડાને કારણે તૈયાર પાકને નુકસાન થવાની ભીતિ છે.

આ પણ વાંચો:ગુજરાતમાં માર્ચમાં તીવ્ર હીટવેવનો પ્રકોપ, હવામાન વિભાગે  અનેક જિલ્લાઓમાં રેડ, ઓરેન્જ અને યલો એલર્ટ જારી કર્યા

આ પણ વાંચો:હવામાન વિભાગની આગાહી, ગુજરાતમાં 42°C સુધી તાપમાન, અનેક જિલ્લામાં હીટવેવ એલર્ટ!

આ પણ વાંચો:ગુજરાતમાં પડશે કમોસમી વરસાદ!,ખેડૂતોના પાકને જોખમ, હવામાન વિભાગની ચેતવણી