શુક્રવારે એરફોર્સ ચીફ રાકેશકુમાર સિંહ ભદૌરીયાએ એરફોર્સ ડે નિમિત્તે પાકિસ્તાનનાં બાલાકોટ પર હવાઈ હુમલોનો પહેલો પ્રમોશનલ વીડિયો રજૂ કર્યો હતો. આ પ્રસંગે રાકેશકુમાર સિંહ ભદૌરીયાએ જણાવ્યું હતું કે, ભારતીય વાયુસેનાએ છેલ્લા એક વર્ષમાં ઘણી સિધ્ધિઓ હાંસલ કરી છે. આમાં 26 ફેબ્રુઆરીએ બાલાકોટમાં કરવામાં આવેલા હવાઈ હુમલોનો સમાવેશ થાય છે. વાયુસેનાનાં વડા રાકેશ ભદૌરીયાએ કહ્યું કે, “27 મી ફેબ્રુઆરીએ અમારું એક મિગ -21, પાકિસ્તાનનાં પ્રતિકારમાં ખોવાઈ ગયું, જ્યારે પાકિસ્તાને એફ-16 ગુમાવવું પડ્યું.” તેમણે કહ્યું, આગળ રફાલ અને એસ -400 એર ડિફેન્સ મિસાઇલ સિસ્ટમ ભારતીય વાયુસેનાની તાકત ઘણી વધી જશે.
જમ્મુ-કાશ્મીરનાં પુલવામામાં 14 ફેબ્રુઆરીએ સીઆરપીએફ જવાનો પર જૈશ-એ-મોહમ્મદનાં આતંકવાદીઓએ હુમલો કર્યો હતો. ત્યારે આખા દેશમાં ગુસ્સો હતો, તેના જવાબમાં ભારતીય વાયુસેનાએ પાકિસ્તાનનાં બાલાકોટમાં પ્રવેશ કરી હવાઈ હુમલો કર્યો હતો. આ હવાઇ હુમલોમાં વાયુસેનાએ જૈશ-એ-મોહમ્મદ આતંકવાદી મથકો પર બોમ્બ ધડાકા કર્યા હતા. હવે શુક્રવારે, એરફોર્સ દ્વારા કરવામાં આવેલા આ હવાઈ હુમલા પર એક વીડિયો બહાર પાડવામાં આવ્યો છે. જેમાં એરસ્ટ્રાઇકની સંપૂર્ણ પ્રક્રિયા બતાવવામાં આવી છે.
ઉલ્લેખનીય છે કે, પાકિસ્તાનનાં જૈશ-એ-મોહમ્મદ આતંકીઓએ 14 ફેબ્રુઆરીનાં રોજ પુલવામામાં આતંકવાદી હુમલો કર્યો હતો, જેમાં સીઆરપીએફનાં 45 જવાન શહીદ થયા હતા. આ પછી, એરફોર્સે પાકિસ્તાનનાં બાલાકોટ સ્થિત જૈશ-એ-મોહમ્મદ બેઝ પર હવાઈ હુમલો કર્યો હતો. જ્યારે હવાઈ હુમલો થયો ત્યારે કેટલીક તસવીરો પહેલા પાકિસ્તાને શેર કરી હતી, ત્યારબાદ એરફોર્સ દ્વારા તે અંગે માહિતી આપવામાં આવી હતી.
રમો મંતવ્ય નવરાત્રી ક્વિઝ 2019. આપો સરળ સવાલોના જવાબ,લકી વિજેતાઓને મળશે બમ્પર ઇનામો. પ્રતિયોગિતામાં ભાગ લેવા માટે ડાઉનલોડ કરો
“Mantavya News” એપ્લિકેશન. Click
https://play.google.com/store/apps/details?id=amigoinn.example.mantavya&hl=en_IN
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
