જ્યારે ભારતીય ક્રિકેટ બોર્ડ (BCCI) 2023 થી 2027 સુધી IPL સિઝન શરૂ કરીને મીડિયા અને પ્રસારણ અધિકારોની અલગ રીતે હરાજી કરવાનો આગ્રહ કરી રહ્યું છે, ત્યારે IPL વ્યુઅરશિપમાં ઘટાડો એ પણ ચિંતાનો વિષય છે.
IPLની ટીવી વ્યૂઅરશિપ ઘટી, બીજા સપ્તાહમાં દર્શકોની સંખ્યામાં ઘટાડો થયો
IPLની 15મી સિઝનના બીજા સપ્તાહમાં ટીવી વ્યુઅરશિપમાં મોટો ઘટાડો થયો છે. રિપોર્ટ અનુસાર બીજા સપ્તાહની વ્યુઅરશિપમાં 33%નો ઘટાડો જોવા મળ્યો છે. ટીવી દર્શકોને IPLની સૌથી મોટી સંપત્તિ માનવામાં આવે છે. ટેલિવિઝન વ્યૂઅરશિપ મોનિટરિંગ એજન્સી BARCના રિપોર્ટ અનુસાર, IPL દર્શકોની સંખ્યા પ્રથમ સપ્તાહમાં 3.57 મિલિયનને બદલે 2.52 મિલિયન રહી હતી.
આ ઘટાડો પ્રથમ સપ્તાહની 267 મિલિયનની એકંદર પહોંચથી 14 ટકા ઘટીને 229 મિલિયન થઈ ગયો છે. BARC મુજબ, તે એવા યુઝર્સની ગણતરી કરે છે જેણે ટીવીમાં એક મિનિટ માટે IPL જોયું હોય. અત્યાર સુધી દરેક સિઝનમાં પ્રથમ સપ્તાહ તેમજ સિઝનના અંત સુધી IPLના દર્શકોની સંખ્યા જળવાઈ રહેતી હતી. વર્તમાન IPLની મેચો 26 માર્ચથી રમાઈ રહી છે.
IPLની વર્તમાન સિઝનમાં ચેન્નાઈ અને કોલકાતા વચ્ચે રમાયેલી પ્રથમ મેચ અને પહેલા સપ્તાહના રવિવારે રમાયેલી પંજાબ કિંગ્સ અને રોયલ ચેલેન્જર્સ બેંગ્લોર વચ્ચેની મેચ 100 મિલિયન યુઝરનો આંકડો પાર કરવામાં સફળ રહી હતી.
પહેલીવાર IPLના દર્શકોની સંખ્યામાં પ્રથમ સપ્તાહ બાદ 33 ટકાનો ઘટાડો થયો છે. IPL 2023 થી 2027 સીઝન માટે મીડિયા અને પ્રસારણ અધિકારોની બોલી જૂનમાં થવાની છે. આગામી 5 સીઝન માટે બોર્ડે મીડિયા અને પ્રસારણ અધિકારો માટે લગભગ 33 હજાર કરોડ રૂપિયાની રકમ નક્કી કરી છે.
IPLમાં લાંબા વિરામ બાદ 10 ટીમો ભાગ લઈ રહી છે. બે મહિના સુધી ચાલનારી IPLની આ સિઝનમાં 74 મેચો રમાવાની છે.
વિધાનસભા ચૂંટણી/ હાર્દિક, જિજ્ઞેશ અને અલ્પેશ, શું છે તેમનું રાજકીય ભવિષ્ય?
Photos/ રશિયાના મિસાઈલ હુમલામાં મૃતદેહોનો ખડકલો, આવા હ્રદયદ્રાવક દ્રશ્ય માત્ર ફિલ્મોમાં જ જોયા હશે
રશિયા યુક્રેન યુધ્ધ/ યુક્રેનમાં લોકોનો જીવ બચાવતા આ નર્સ-ડોક્ટર પડ્યા પ્રેમમાં, બરબાદ શહેરમાં કર્યા લગ્ન
