IPL 2024: હાર્દિક પંડ્યાની આગેવાની હેઠળની મુંબઈ ઈન્ડિયન્સે IPL 2024 માં હાર સાથે તેમના અભિયાનની શરૂઆત કરી. મુંબઈને પ્રથમ મેચમાં ગુજરાત ટાઇટન્સ સામે હારનો સામનો કરવો પડ્યો હતો. 5 વખતની ચેમ્પિયન ટીમ મુંબઈ ઈન્ડિયન્સ તેની બીજી મેચ 27 માર્ચે સનરાઈઝર્સ હૈદરાબાદ સામે રમશે, પરંતુ તે પહેલા જ ટીમને મોટો ઝટકો લાગ્યો છે. મુંબઈ ઈન્ડિયન્સના સ્ટાર બેટ્સમેન સૂર્યકુમાર યાદવને બીજી ફિટનેસ ટેસ્ટ બાદ પણ NCAએ ક્લીનચીટ આપી નથી. હવે એવું કહેવામાં આવી રહ્યું છે કે ગુજરાત ટાઇટન્સ સામેની મેચમાં ચૂકી ગયા બાદ સૂર્યકુમાર યાદવ હૈદરાબાદ સામેની મેચમાં પણ નહીં રમે.

સૂર્યકુમાર યાદવ SRH સામેની મેચમાં નહીં રમે

મીડિયા રિપોર્ટ્સ અનુસાર, બીજી ફિટનેસ ટેસ્ટ બાદ પણ સૂર્યકુમાર યાદવને NCA તરફથી રમવા માટે ક્લીન ચિટ મળી નથી. થોડા દિવસો પહેલા એક રિપોર્ટ સામે આવ્યો હતો જેમાં કહેવામાં આવ્યું હતું કે સૂર્યાનો બીજો ફિટનેસ ટેસ્ટ 21 માર્ચે લેવામાં આવ્યો હતો. તેની રિહેબ પ્રક્રિયા લગભગ 2 અઠવાડિયા પહેલા શરૂ થઈ હતી, પરંતુ બે વખત ફિટનેસ ટેસ્ટ પ્રક્રિયામાંથી પસાર થયા પછી પણ તેને રમવાની મંજૂરી આપવામાં આવી નથી, કારણ કે જૂનમાં ટી20 વર્લ્ડ કપ પણ રમવાનો છે. આવી સ્થિતિમાં બીસીસીઆઈ સૂર્યાને લઈને કોઈ જોખમ લેવા માંગતી નથી.

સૂર્યકુમાર યાદવે સર્જરી કરાવી હતી

જણાવી દઈએ કે સૂર્યકુમાર યાદવે 17 જાન્યુઆરીએ જર્મનીમાં સ્પોર્ટ્સ હર્નિયા માટે પીઠની સર્જરી કરાવી હતી. સૂર્યકુમાર યાદવ ડિસેમ્બરમાં દક્ષિણ આફ્રિકાના પ્રવાસ પર ટી20 શ્રેણી દરમિયાન ઈજાગ્રસ્ત થયો હતો. એવો અંદાજ હતો કે તેને આ ઈજામાંથી સાજા થવામાં એક મહિનાનો સમય લાગી શકે છે, પરંતુ હવે તેને મેદાનથી દૂર રહેવામાં ઘણો સમય વીતી ગયો છે.

આ પણ વાંચોઃ IPLની 17મી સીઝન છે ખાસ, સ્ટોપ લોક-એક ઓવરમાં બે બાઉન્સર સહિત નિયમો બદલાયા

આ પણ વાંચોઃ IPL 2024ના બીજા તબક્કાનું શેડ્યુલ જાહેર

આ પણ વાંચોઃ IPL 2024માં દિલ્હી કેપિટલ્સ સાથે જોડાયો સ્ટાર ખેલાડી

આ પણ વાંચોઃ બોર્ડર-ગાવસ્કર ટ્રોફી માટે લેવાયો આ મહત્વનો નિર્ણય