એશિયા કપમાં ભારતીય ક્રિકેટ ટીમની સફળતાનો દોર ત્રણ દિવસ સુધી ચાલુ છે. રોહિત શર્માએ કોલંબોમાં રમાઈ રહેલા એશિયા કપ 2023ની સુપર ફોર મેચમાં 22 રન બનાવીને ODIમાં 10 હજાર રન પૂરા કર્યા છે. રોહિત શર્માએ વનડેમાં 248 મેચની 241 ઇનિંગ્સમાં 49ની એવરેજથી 10 હજાર રન બનાવ્યા છે. રોહિત શર્મા ભારત માટે સૌથી ઝડપી 10 હજાર રન બનાવનાર બીજા ખેલાડી બની ગયા છે. ભારત માટે સૌથી ઝડપી 10 હજાર રન બનાવનાર બેટ્સમેન વિરાટ કોહલી છે. રોહિત શર્માએ 241 ઇનિંગ્સમાં આ સિદ્ધિ મેળવી હતી. સચિન તેંડુલકરે 257 ઇનિંગ્સમાં 10 હજાર રનના આંકડાને સ્પર્શી લીધો હતો.
શ્રીલંકાના કોલંબોમાં ભારતીય ટીમે ટોસ જીતીને પ્રથમ બેટિંગ કરવાનો નિર્ણય કર્યો હતો. વિશ્વના સૌથી મજબૂત બોલિંગ આક્રમણને ધ્વસ્ત કર્યા બાદ રોહિત અને શુભમન ગિલે ફરીથી ઇનિંગ્સની શરૂઆત કરી અને તે જ શૈલીમાં રમવાનું શરૂ કર્યું હતું. જેમાં તેઓ શરૂઆતમાં પાકિસ્તાની બેટ્સમેનોને રમ્યા હતા. રોહિતે કસુન રાજિતાના બોલ પર સિક્સર ફટકારીને રેકોર્ડ બનાવ્યો હતો. તે સૌથી ઝડપી 10 હજાર રન બનાવનાર બીજો ભારતીય અને વિશ્વનો બીજો બેટ્સમેન પણ છે.
ભારત તરફથી મહાન ક્રિકેટર સચિન તેંડુલકરે સૌથી વધુ રન બનાવ્યા છે. વનડેમાં ભારતના મહાન બેટ્સમેનના નામે 18426 રન છે. બીજા સ્થાને વિરાટ કોહલી છે, જેણે 13024 રન બનાવ્યા છે. સૌરવ ગાંગુલીએ 11363 રન, રાહુલ દ્રવિડે 10889 રન અને એમએસ ધોનીએ 10773 રન બનાવ્યા છે. રોહિત આ લિસ્ટમાં સામેલ થનાર છઠ્ઠો ભારતીય બેટ્સમેન બની ગયો છે. જોકે રોહિત શર્માએ વિરાટ કોહલી પહેલા આંતરરાષ્ટ્રીય ક્રિકેટમાં ડેબ્યુ કર્યું હતું.
આ પણ વાંચો: Nitin Gadkari/ ડીઝલ વાહનો પર 10% વધારાનો ટેક્સ લાગશે? કેન્દ્રીય મંત્રીએ કરી સ્પષ્ટતા
આ પણ વાંચો: Nuh Violence/ મોનુ માનેસરની ધરપકડ, 8 મહિનાથી ફરાર વોન્ટેડ આરોપી કોણ છે જાણો…
આ પણ વાંચો: Gujarat/ શું ગુજરાત સરકારનું કોમન યુનિવર્સિટી બિલ માનહાનિના કેસમાં મજબુત હશે કેજરીવાલની દલીલ, ચાલો જોઈએ
