ફ્રાંસ પહોંચેલા વડાપ્રધાન નરેન્દ્ર મોદીએ પેરિસમાં ભારત અને ફ્રાન્સ વચ્ચેની ભાગીદારી સંબંધિત વિવિધ મુદ્દાઓ પર પીએમ એલિઝાબેથ બોર્ન સાથે દ્વિપક્ષીય વાતચીત કરી હતી. બંને વડા પ્રધાનોએ ભારત-ફ્રાન્સ ભાગીદારીના વિવિધ પાસાઓની સમીક્ષા કરી અને બંને દેશો વચ્ચેના સંબંધોને વધુ મજબૂત કરવાના માર્ગો પર પણ ચર્ચા કરી.ફ્રાંસ પહોંચેલા પીએમ નરેન્દ્ર મોદીએ પેરિસમાં સેનેટ પ્રમુખ ગેરાર્ડ લાર્ચર સાથે મુલાકાત કરી. બંને નેતાઓએ પરસ્પર હિતના અનેક મુદ્દાઓ પર ચર્ચા કરી હતી. સંખ્યાબંધ ક્ષેત્રોમાં ભારત-ફ્રેન્ચ સહયોગને વધુ ગાઢ બનાવવા માટે સાથે મળીને કામ કરવા સંમત થયા.
ભારત મૂલના લોકોને સંબોધતા પીએમ મોદીએ કહ્યું, “મને આજે કહેવામાં આવ્યું કે આજે આ ફંકશનમાં એવા ઘણા લોકો છે જેમણે અહીં પહોંચવા માટે 11-11, 12-12 કલાકની મુસાફરી કરી છે. આનાથી મોટો પ્રેમ શું હોઈ શકે, આપણે જાણીએ છીએ કે ટેક્નોલોજીના યુગમાં ઘરે બેસીને મોબાઈલ ફોન પર લાઈવ ટેલિકાસ્ટ સાંભળવું કોઈના માટે મુશ્કેલ કામ નથી, પરંતુ તેમ છતાં દૂર-દૂરથી આવતા લોકો આટલી મોટી સંખ્યામાં સમય કાઢીને આવો… મારા માટે ખૂબ જ ભાગ્યશાળી અવસર છે કે મને તમને બધાને જોવાની તક મળી છે.ફાંસ માટે ભારતીય સૈનિકો શહીદ થયા હતા.
ઉલ્લેખનીય છે કે વડાપ્રધાન નરેન્દ્ર મોદી બે દિવસની મુલાકાતે ફ્રાંસની રાજધાની પેરિસ પહોંચી ગયા છે. ફ્રાન્સના પીએમ એલિઝાબેથ બોર્ને એરપોર્ટ પર પીએમ નરેન્દ્ર મોદીનું સ્વાગત કર્યું હતું. ફ્રાન્સની સેનાએ નરેન્દ્ર મોદીના સન્માનમાં ગાર્ડ ઓફ ઓનર આપ્યું હતું. ફ્રાંસની સેનાએ સૌથી પહેલા ભારતના રાષ્ટ્રગીતની ધૂન વગાડી હતી. આ પછી ફ્રાન્સના રાષ્ટ્રગીતની ધૂન વગાડવામાં આવી હતી.
