એર ચીફ માર્શલ રાકેશકુમાર સિંહ ભદૌરિયાએ કબુલ્યું કે, LoC પાસે પાકિસ્તાન સાથે હવાઈ સંઘર્ષ દરમિયાન ભારતીય સેનાએ જ પોતાનાં MI-17-V5 હેલીકોપ્ટને મોટી ભૂલ સાથે તોડી પાડ્યું હતું. આપને જણાવી દઇએ કે, જમ્મુ-કાશ્મીરનાં બડગામ વિસ્તારમાં ગત 27 ફેબ્રુઆરીનાં રોજ થયેલી દુર્ઘટનામાં ભારતીય વાયુસેનાનાં 6 જવાન અને 1 નાગરિકનું મોત નિપજ્યું હતુ. જો કે આ મામલે વાત કરી રહેવા વાયુસેનાનાં ચીફે દેશને વિશ્વાસ આપ્યો છે કે, ફરી આવી ભૂલ ભવિષ્યમાં નહીં થાય.
આપણી જ મિસાઇલથી ઉડાવી દેવામાં આવ્યું હતું આપણું જ ચોપર
આપણી મિસાઇલે જ હેલીકોપ્ટર તોડી પાડ્યું હતુ. આની પુષ્ટિ થઈ ચુકી છે. જવાબદારો સામે વહીવટી અને શિસ્તબદ્ધ કાર્યવાહી કરવામાં આવી શકે છે. આ મામલે 2 અધિકારીઓ સામે કાર્યવાહી કરવામાં આવી રહી છે. જરૂરી પગલાઓ ઉઠાવવામાં આવી રહ્યા છે, જેથી ભવિષ્યમાં આ પ્રકારની ઘટનાઓ ફરી ના થાય.”
