ભારત અને વેસ્ટ ઈન્ડિઝ વચ્ચે બે ટેસ્ટ મેચની શ્રેણીની બીજી મેચ પોર્ટ ઓફ સ્પેનના ક્વીન્સ પાર્ક ઓવલ મેદાન પર રમાઈ રહી છે. પ્રથમ દિવસે ભારતે ચાર વિકેટ ગુમાવીને 288 રન બનાવ્યા હતા. આજે ટીમ ઈન્ડિયા તેનાથી આગળ રમી રહી છે. કોહલીની આ 500મી આંતરરાષ્ટ્રીય મેચ છે અને તેણે આ મેચમાં સદી ફટકારીને તેને ખાસ બનાવી દીધી છે.પ્રથમ બેટિંગ કરતા ભારતીય ટીમે વિરાટ કોહલીની 29મી ટેસ્ટ સદીની મદદથી પ્રથમ દાવમાં 128 ઓવરમાં તમામ વિકેટ ગુમાવીને 438 રન બનાવ્યા હતા. વિરાટ કોહલી 121 રન બનાવીને રનઆઉટ થયો હતો. વેસ્ટ ઈન્ડિઝ તરફથી કેમાર રોચ અને ગેબ્રિયલને 3-3 વિકેટ મળી હતી.
મેચના બીજા દિવસે, વિરાટ કોહલીએ તેની 500મી આંતરરાષ્ટ્રીય મેચમાં કારકિર્દીની 76મી સદી ફટકારી હતી, જ્યારે તેણે ટેસ્ટમાં તેની 29મી સદી ફટકારી હતી. આ સાથે તેણે 500 મેચ બાદ સૌથી વધુ સદી ફટકારવાના મામલે મહાન સચિન તેંડુલકરને પાછળ છોડી દીધો છે. કેપ્ટન રોહિત શર્મા 80 રન બનાવીને આઉટ થયો હતો જ્યારે યશસ્વી જયસ્વાલ 57 રન બનાવીને પેવેલિયન પરત ફર્યો હતો. શુભમન ગિલ (10) અને અજિંક્ય રહાણે (8) આઉટ થનારા અન્ય બે બેટ્સમેન છે. જાડેજા અને કોહલીએ 5મી વિકેટ માટે 286 બોલમાં 159 રનની ભાગીદારી નોંધાવી હતી. વિરાટ કોહલી 121 રન બનાવીને રનઆઉટ થયો હતો. જાડેજા 61 રન બનાવીને પેવેલિયન પરત ફર્યો હતો. ઈશાન કિશન 37 બોલમાં 25 રન બનાવીને પેવેલિયન પરત ફર્યો હતો.