જકાર્તા
જકાર્તાના દરિયાકિનારે રોજ ૪૦ ટન કચરો ભેગો થાય છે. ઇન્ડોનેશિયાના અધિકારીઓ દ્વારા આ મામલે જાણ કરવામાં આવી છે.
૧૭,૦૦૦થી પણ વધારે ટાપુ ઇન્ડોનેશિયામાં આવેલા છે. વર્ષ ૨૦૨૫ સુધીમાં ૭૦ ટકા વેસ્ટ ઓછો કરવાનો દાવો ઇન્ડોનેશિયાએ કર્યો છે.
તમને જણાવી દઈએ કે ઇન્ડોનેશિયાએ સ્પેશ્યલ આર્મીનો સ્ટાફ પણ બનાવવામાં આવ્યો છે કે જે દરિયાકિનારે ભેગો થતો નકામા કચરાને દૂર કરશે.
દુનિયામાં સૌથી વધારે ભંગાર પેદા કરતો દેશ ચીન છે. ચીન દર વર્ષે ૧.૨૯ મિલિયન મેટ્રિક ટન ભંગાર ઉત્પન્ન થાય. ચીન બાદ ઇન્ડોનેશિયાનો નંબર આવે છે.
જકાર્તાના મોટા ભાગના ટાપુ નકામા કચરાનો ભોગ બન્યા છે.
થોડા સમય પહેલા આ ટાપુ પર મોટી સંખ્યામાં મૃત કાચબાઓ પણ મળી આવ્યા હતા. દરિયાકિનારાનો વેસ્ટ કચરો હાલ ઇન્ડોનેશિયા માટે મોટી સમસ્યા બની ગઈ છે.
આશરે ૨૬૪ ઓફિસર હજારોની સંખ્યામાં રહેલા આઈસલેન્ડને સાફ-સફાઈ કરવાની કામગીરીમાં શામેલ થાય છે.
ઉલ્લેખનીય છે કે ઇન્ડોનેશિયામાં કાપોટા દ્વીપના કિનારેથી એક વ્હેલ મૃત હાલતમાં મળી આવી હતી.તમને જાણીને નવાઈ લાગશે કે આ વ્હેલના પેટમાં ૬ કિલો પ્લાસ્ટીકનો કચરો હતો.
પાર્કના અધિકારીઓએ આ વ્હેલના પેટમાંથી ઘણી બધી પ્લાસ્ટિક બેગ, પ્લાસ્ટિકની બોટલ, ચંપલ અને ૧૧૫ પ્લાસ્ટિકના કપ મળ્યા હતા. એટલું જ નહી પણ એક થેલી પણ મળી હતી જેમાં ૧ હજારથી પણ વધારે તાર હતા.