બોલિવૂડ ઈન્ડસ્ટ્રીમાં દરેકના કોઈને કોઈ ગોડફાધર હોય છે. પરંતુ બોલિવૂડ ઈન્ડસ્ટ્રીમાં કોઈ સાન્તાક્લોઝ પણ બની શકે છે, તે વિચારવા જેવી વાત છે. હાલમાં જ બોલિવૂડના બાદશાહ શાહરૂખ ખાને ટ્વિટર પર એક પોસ્ટ શેર કરી છે, જેમાં તેણે નિર્દેશક રાજકુમાર હિરાનીને પોતાનો સાન્તાક્લોઝ કહ્યો છે. આ પોસ્ટ સોશિયલ મીડિયા પર વાયરલ થતાં જ લોકોની પ્રતિક્રિયાઓ આવવા લાગી.
આ પોસ્ટમાં શાહરૂખ ખાને લખ્યું છે કે ડિયર સર, રાજકુમાર હિરાની, તમે મારા સાન્તાક્લોઝ છો. તમે શરુ કરો, હું સમયસર પહોંચી જઈશ. જો હું ત્યાં પહોંચીશ તો સેટ પર જ રહીશ. હું ખૂબ જ ખુશ છું, અને તમારી સાથે કામ કરવા માટે ખૂબ જ ઉત્સાહિત છું.
શાહરૂખની ફિલ્મ #Dunki 23 ડિસેમ્બર 2023ના રોજ મોટા પડદા પર જોવા મળશે. શાહરૂખ ખાનના વર્ક ફ્રન્ટની વાત કરીએ તો બાદશાહ ટૂંક સમયમાં ફિલ્મ પઠાણમાં જોવા મળશે. આ ફિલ્મ સાથે જોડાયેલા ઘણા ફોટા અને વીડિયો પણ વાયરલ થયા છે. જેમાં શાહરૂખનો કિલર લુક જોવા મળ્યો હતો.
શાહરૂખની પઠાણ મોટા પડદા પર ધમાલ મચાવશે એમાં કોઈ શંકા નથી. આવનારા સમયમાં શાહરૂખ ખાનની ફિલ્મ ડંકી મોટા પડદા પર જોવા મળશે. આ પહેલીવાર છે જ્યારે શાહરૂખ હિરાનીની ફિલ્મમાં હીરોની ભૂમિકા ભજવી રહ્યો છે. ફિલ્મ નિર્માતાએ અગાઉ આમિર ખાન, સંજય દત્ત, રણબીર કપૂર જેવા સુપરસ્ટાર સાથે કેટલીક પ્રખ્યાત ફિલ્મો આપી હતી.
આ પણ વાંચો:હિલ ઇન ઇન્ડિયા આ દાયકાની ખૂબ જ મોટી બ્રાન્ડ: PM મોદી
