લંડન
બ્રિટનના એક ડોકટરે અભૂતપૂર્વ શોધ કરી છે. આ ડોકટરે એવી મેકઅપ પ્રોડક્ટ બનાવી છે જે એસિડ પ્રૂફ છે. આ શોધનો મુખ્ય એસિડ એટેકથી થતા નુકશાનથી બચવાનો છે. ૩૨ વર્ષીય ડોક્ટર અલમસ અહમદે ૧૦ વર્ષના અથાક પ્રયત્નો બાદ આ એક નવા પ્રકારનું કેમિકલ શોધ્યું છે. આ કેમિકલને મેકઅપમાં મિક્સ કરીને ચહેરા પર આરામથી લગાવી શકાય છે. આં કેમિકલ એ સ્કીનને એક રક્ષાની કવચ આપશે.
૧૦ વર્ષ પહેલા એસિડ એટેક પીડિતાને જોઇને આવ્યો હતો વિચાર
વર્ષ ૨૦૦૮માં ડૉ. અલમસને આ પ્રકારનો મેકઅપ બનાવવા વિશેનો આઈડિયા આવ્યો હતો.
વર્ષ ૨૦૦૮માં એક ડાન્સિંગ શો માં ભાગ લેનારી કેટી પાઈપર પર એસિડ એટેક થયા બાદ તેને શોમાંથી નીકળી દેવામાં આવી હતી.
ફાઉન્ડેશનમાં મિક્સ કરી ઉપયોગમાં લઇ શકશો
શોધકર્તા ડોક્ટરના કહેવા પ્રમાણે આ કેમિકલને ફાઉન્ડેશન ક્રીમમાં મિક્સ કરીને ઉપયોગમાં લઇ શકાય છે. થોડા જ સમયમાં આ કેમિકલ એક મોશ્ચરાઈઝર અને સનસ્ક્રીનની સાથે પણ ઉપયોગમાં લઇ શકશો.
૫૬ લાખ રૂપિયા આ શોધ માટે
આ મેકઅપ લીક્વીડ પ્રૂફ છે. ૪૦૦ ડીગ્રી સેન્ટીગ્રેટ તાપમાન સુધી તે ટકી શકે છે. પાણી કે સુર્યપ્રકાશની પણ તેનાથી અસર નથી થતી.તમને જણાવી દઈએ કે આ શોધ પર ડો. અલમસે ૫૬ લાખ રૂપિયા ખર્ચ કર્યા છે.
ભારતમાં પણ આ શોધનું ટેસ્ટીંગ કરવામાં આવી રહ્યું છે. તેમણે કહ્યું હતું કે થોડા જ સમયમાં દુનિયાભરની મહિલાઓ માટે તે ઉપલબ્ધ થશે.
ડો. અલમસે કહ્યું હતું કે જયારે કેટી પર એસીડનો હુમલો થયો હતો ત્યારે તેઓ યુનીવર્સીટીમાં અભ્યાસ કરતા હતા.
૧૦ વર્ષ બાદ મળી સફળતા
એશિયાના દેશોમાં ઘણા એસિડ એટેક જોવા મળે છે. મેડીકલ સ્કુલમાં અભ્યાસ પૂર્ણ કર્યા બાદ તેમણે ન્યુરોસર્જરી એટલે કે ફીજીશીયન રીસર્ચમાં કેરિયર બનાવ્યું છે.
હાલ તેઓ એક મેડીકલ કંપનીમાં ચીફ ઇન્વેસ્ટીગેટીંગ ઓફિસર છે. પોતાના કેરિયર દરમ્યાન તેમણે આ શોધ ચાલુ રાખી હતી અને અંતે ૧૦ વર્ષ પછી સફળતા મેળવી છે.