Vadodara News: વડોદરા નજીક સાંકરદા ગામમાં આવેલા એમડી મોટર્સ ફિટનેસ સેન્ટરનું લાઇસન્સ ખોટા ફિટનેસ સર્ટિફિકેટ આપવા બદલ છ મહિના માટે સસ્પેન્ડ કરવામાં આવ્યું છે. તપાસમાં બહાર આવ્યું છે કે ઓપરેટરે 29 વાહનોને ખોટા ફિટનેસ સર્ટિફિકેટ આપ્યા હતા. આ ખોટા સર્ટિફિકેટ ટ્રાન્સપોર્ટ ઓફિસમાં નોંધાયેલા વાહનો જોયા વિના પણ આપવામાં આવ્યા હતા. એમડી મોટર્સનું નિરીક્ષણ કર્યા પછી આ કાર્યવાહી કરવામાં આવી હતી.
એમડી મોટર્સ દ્વારા ચકાસેલ વાહનો મોટાભાગના રાજ્ય બહારના છે
એવું પણ જાણવા મળ્યું છે કે ખોટા સર્ટિફિકેટ ધરાવતા મોટાભાગના વાહનો રાજ્ય બહારના છે. અન્ય વાહન ફિટનેસ સેન્ટરોમાં પણ ગેરરીતિઓ થઈ રહી હોવાની શંકા છે. લોકોએ અન્ય સેન્ટરો સામે પણ તપાસ અને યોગ્ય કાર્યવાહીની માંગ કરી છે.
હાલમાં, વડોદરામાં પાંચ ખાનગી ફિટનેસ સેન્ટર કાર્યરત છે. ₹1,000 ની ફિટનેસ ફી વસૂલવામાં આવે છે, પરંતુ ખોટા સર્ટિફિકેટ માટે હજારો રૂપિયા વસૂલવામાં આવતા હતા. ખાનગીકરણને કારણે, આ સેન્ટરો કમિશનર ઓફિસ હેઠળ આવે છે, તેથી સ્થાનિક પ્રાદેશિક ઓફિસ સીધી કાર્યવાહી કરી શકતી નથી.
આ પણ વાંચો:વડોદરાના અંકોડીયામાં ફરાસખાના ગોડાઉનમાં આગ, લાખોનું નુકસાન
આ પણ વાંચો:વડોદરા એરપોર્ટથી જામનગર જતી ઈન્ડિગોની ફ્લાઈટ સહિત 6 ફ્લાઈટ્સ રદ
આ પણ વાંચો:વડોદરામાં એક જ દિવસમાં હાર્ટએટેકથી ત્રણના મોતની સંભાવના
