IPL 2022નું શેડ્યૂલ જાહેર કરવામાં આવ્યું છે. આ સિઝનની પ્રથમ મેચ ચેન્નાઈ સુપર કિંગ્સ અને કોલકાતા નાઈટ રાઈડર્સ વચ્ચે રમાશે. આ મેચ 26 માર્ચે મુંબઈના વાનખેડે સ્ટેડિયમમાં રમાશે. આ સિઝનની મેચો માટે બે વખત નિર્ધારિત કરવામાં આવ્યા છે. દિવસની પ્રથમ મેચ બપોરે 3.30 કલાકે અને બીજી મેચ સાંજે 7.30 કલાકે શરૂ થશે.
ઈન્ડિયન પ્રીમિયર લીગ 2022ની મેચોનો સમય અને તારીખ નક્કી કરવામાં આવી છે. IPLએ આ સિઝનનું શેડ્યૂલ ટ્વિટર પર શેર કર્યું છે. સીઝનની પ્રથમ મેચ 26 માર્ચે CSK અને KKR વચ્ચે રમાશે. બીજી મેચ 27 માર્ચે દિલ્હી કેપિટલ્સ અને મુંબઈ ઈન્ડિયન્સ વચ્ચે રમાશે.
IPL 2022માં પંજાબ કિંગ્સનો પ્રથમ મુકાબલો રોયલ ચેલેન્જર્સ બેંગ્લોર સામે છે. આ મેચ 27 માર્ચે ડીવાય પાટિલ સ્ટેડિયમમાં રમાશે. આ સિઝનમાં જોડાયેલી બે નવી ટીમો, લખનૌ સુપર જાયન્ટ્સ અને ગુજરાત ટાઇટન્સ, 28 માર્ચે સામ-સામે આવશે. આ બંને ટીમો પોતાની પ્રથમ મેચ વાનખેડે સ્ટેડિયમમાં રમશે.
આ સિઝનની છેલ્લી લીગ મેચ 22 મેના રોજ રમાશે. આ મેચ સનરાઈઝર્સ હૈદરાબાદ અને પંજાબ કિંગ્સ વચ્ચે રમાશે. આ મેચ પણ મુંબઈના વાનખેડે સ્ટેડિયમમાં રમાશે.