Ivanka Trump Security Threat:  અમેરિકાના રાષ્ટ્રપતિ ડોનાલ્ડ ટ્રમ્પની પુત્રી ઈવાન્કા ટ્રમ્પ વિરુદ્ધ ઘડાયેલા એક અત્યંત ગંભીર હત્યાના ષડયંત્રનો ખુલાસો થતાં આખી દુનિયામાં ચર્ચા જાગી છે. આ ઘટના સામે આવ્યા બાદ અમેરિકાની સુરક્ષા એજન્સીઓ હાઈ એલર્ટ પર આવી ગઈ છે.

કોણ અને કેમ ઈવાન્કા ટ્રમ્પને મારવા ઈચ્છે છે?

અમેરિકી તપાસ એજન્સીઓના જણાવ્યા મુજબ, ઈરાનની રિવોલ્યુશનરી ગાર્ડ્સ (IRGC) સાથે જોડાયેલા એક આતંકવાદી દ્વારા ઈવાન્કા ટ્રમ્પને નિશાન બનાવવાની યોજના ઘડાઈ હતી. પકડાયેલા આરોપીએ ફ્લોરિડા સ્થિત ઈવાન્કાના ઘરના નકશા પણ મેળવી લીધા હતા.

પકડાયેલો આરોપી એક ઈરાકી નાગરિક છે, જે ઈરાનના કમાન્ડર કાસિમ સુલેમાનીનો અનુયાયી છે. ઉલ્લેખનીય છે કે, વર્ષ 2020 માં અમેરિકી એરસ્ટ્રાઈકમાં સુલેમાની માર્યા ગયા હતા, જેનો બદલો લેવા માટે તે ઇવાંકા ટ્રમ્પને મારવા માંગતો હતો.

શું કામ કરે છે Ivanka Trump?

ઈવાન્કા ટ્રમ્પ (Ivanka Trump-જન્મ વર્ષ 1981) વૈશ્વિક સ્તરે બિઝનેસ, ફેશન અને રાજનીતિની દુનિયામાં એક જાણીતું નામ છે:

બિઝનેસ અને ફેશન: તેમણે પેન્સિલવેનિયા યુનિવર્સિટીની ‘વ્હાર્ટન સ્કૂલ’ માંથી બિઝનેસનો અભ્યાસ કર્યો છે. ત્યારબાદ તેઓ ‘ટ્રમ્પ ઓર્ગેનાઇઝેશન’ માં એક્ઝિક્યુટિવ તરીકે જોડાયા અને રિયલ એસ્ટેટ તથા ફેશન સેક્ટરમાં મોટું નામ બનાવ્યું.

રાજકીય ભૂમિકા: વર્ષ 2017 થી 2021 દરમિયાન પોતાના પિતા ડોનાલ્ડ ટ્રમ્પના રાષ્ટ્રપતિ કાર્યકાળમાં તેઓ વ્હાઇટ હાઉસમાં વરિષ્ઠ અનૌપચારિક સલાહકાર (Senior Advisor) રહ્યા હતા. આ દરમિયાન તેમણે મહિલા સશક્તિકરણ, રોજગાર અને શિક્ષણ જેવા વૈશ્વિક મુદ્દાઓ પર કામ કર્યું હતું.

અંગત જીવન: વર્ષ 2009 માં તેમણે જારેદ કુશનર સાથે લગ્ન કર્યા હતા. તેઓ હાલમાં 3 બાળકો સાથે ફ્લોરિડામાં રહે છે.

આ પણ વાંચો :ઈરાન સાથે યુદ્ધ વચ્ચે ટ્રમ્પ પરિવારમાં લગ્નની શરણાઈઓ, ટ્રમ્પ જુનિયર બહામાસમાં કરશે લગ્ન

આ પણ વાંચો :શું ડોનાલ્ડ ટ્રમ્પ ઈઝરાયલના વડાપ્રધાન બની શકે? જાણો ઈઝરાયલના કાયદા શું કહે છે

આ પણ વાંચો :થાઈલેન્ડની મજા માણવા ઈચ્છતા ગુજરાતીઓ માટે મોટો આંચકો, સરકારે વિઝા નીતિમાં કર્યો ફેરફાર