વિશ્વિક મહામારી કોરોનાએ વિશ્વ આખાને પોતાના ભરડામાં લીધુ છે. અમેરિકા અનેયુરોપ જેવી મહાસ્ત્તાને પણ કોરોના સામે ઘૂંટણીયે નમવું પડ્યું છે. ત્યારે વિશ્વભારનાવૈગ્યાનીકો કોરોના ની રસી શોધવામાં આલ્ગી ગયા હતા. અને હવે વિશ્વના અનેક દેશોમાં રસીકરણ ચાલુ પણ થઇ ચુક્યું છે. ઘણા દેશોના રાષ્ટ્રપતિઓ અને મોટા પદ પર બેઠેલા અધિકારીઓએ રસી લાગુ નહિ કરવા વાતાવરણ ઉભું કરી રહ્યા છે.
રસી વિશે ઘણી અફવાઓ અને ખોટા દાવા કરવામાં આવ્યા હતા, પરંતુ અંતે રસીકરણ અભિયાન બધે શરૂ થયું. પરંતુ હજી પણ કેટલાક લોકો રસી ન લેવાની સલાહ આપી રહ્યા છે અને રસી વિશે વિચિત્ર નિવેદનો આપી રહ્યા છે. તાજેતરમાં ઇરાનના એક મુસ્લિમ મૌલવીએ દાવો કર્યો છે કે કોવિડ -19 રસીથી લોકો ગે બને છે.
આયતુલ્લાહ અબ્બાસ તબરીઝિયને આ દાવો સોશિયલ મીડિયા એપ ટેલિગ્રામ પર કર્યો હતો. આ એપ પર તેના 2 લાખ 10 હજાર ફોલોઅર્સ છે. એક મીડિયા કંપની અનુસાર, તબરીઝિયને લખ્યું છે કે કોરોના રસી લીધી છે તેમની પાસે નાં જશો. આવા લોકો ગે બની ગયા છે.
પ્રખ્યાત એલજીબીટીક્યુના પ્રચારક પીટર ટેશેલ કહે છે કે આ નિવેદન રસી અને ગે સમુદાય બંનેને નિમ્ન સાબિત કરી રહ્યું છે. આ વિવાદાસ્પદ મૌલવીએ ભૂતકાળમાં પશ્ચિમી દવાઓ પર ઘણા દાવા કર્યા છે. ગયા વર્ષે જાન્યુઆરીમાં, મુસ્લિમ ધર્મગુરુનો વીડિયો સોશિયલ મીડિયા પર વધુને વધુ વાયરલ થયો હતો, જેમાં તે એક અમેરિકન વૈજ્ઞાનિકનું પુસ્તક સળગાવી રહ્યા હતા. પુસ્તક સળગાવી મુસ્લિમ મૌલવીએ દાવો કર્યો હતો કે ઇસ્લામિક દવાએ આવા પુસ્તકોને અપ્રાસંગિક બનાવ્યા છે.
ઇરાનમાં શાસન દ્વારા સમલૈંગિકતાને દંડનીય ઘોષિત કરવામાં આવી છે. એવું માનવામાં આવે છે કે 1979 માં ઇસ્લામિક ક્રાંતિ પછી દેશમાં હજારો સમલૈંગિકોને ફાંસી આપવામાં આવી હતી. 2019 માં ઈરાનના વિદેશ પ્રધાન મોહમ્મદ જાવિદ ઝરીફે કહ્યું હતું કે આપણા સમાજમાં નૈતિક સિધ્ધાંતો છે અને અમે તે જ સિદ્ધાંતો પર જીવીએ છીએ.
