ભારતીય અવકાશ સંશોધન સંસ્થા ઈસરોના વૈજ્ઞાનિક પર કથિત હુમલાનો મામલો સામે આવ્યો છે. આ ઘટનાનો વીડિયો પણ વાયરલ થયો છે. આ મામલો કર્ણાટકની રાજધાની બેંગલુરુનો છે. હાલ આ કેસમાં પોલીસ પણ એલર્ટ મોડ પર આવી ગઈ છે અને આરોપીની શોધખોળ ચાલુ છે. ખાસ વાત એ છે કે 23 ઓગસ્ટે ચંદ્ર પર ચંદ્રયાન 3ના સોફ્ટ લેન્ડિંગ બાદ સમગ્ર દેશ દ્વારા ઈસરોને અભિનંદન આપવામાં આવ્યા હતા.
સોશિયલ મીડિયા પ્લેટફોર્મ ‘X’ની પ્રોફાઇલ અનુસાર, આશિષ લાંબા ઈસરોમાં વૈજ્ઞાનિક છે. આ ઘટના તેમની સાથે બેંગ્લોરમાં ઓલ્ડ એરપોર્ટ રોડ પર નવા બનેલા HAL અંડરપાસ પાસે બની હતી. તેમણે સોશિયલ મીડિયા પોસ્ટ દ્વારા આ સમગ્ર ઘટનાની માહિતી આપી છે. ખાસ વાત એ છે કે ઘટનાસ્થળથી થોડે જ દૂર ઈસરોની ઓફિસ હતી.
“ગઈકાલે, ISRO ઓફિસની નજીક નવા બનેલા HAL અંડરપાસની નજીક, હેલ્મેટ પહેર્યા વિના બેદરકારીપૂર્વક સ્કૂટી (KA03KM8826) ચલાવતો એક વ્યક્તિ અમારી સામે આવ્યો અને અમારે અચાનક બ્રેક લગાવવી પડી,” તેમણે કહ્યું. અન્ય પોસ્ટમાં લાંબાએ જણાવ્યું કે, ‘તે અમારી કાર પાસે આવ્યો અને મારપીટ કરવા લાગ્યો. તેણે મારી કારને બે વાર લાત મારી.
ઘટનાની જાણ થતાં જ બેંગલુરુ પોલીસ પણ એલર્ટ થઈ ગઈ હતી. પોલીસે કહ્યું, ‘ઘટના અંગે માહિતી નોંધવામાં આવી છે અને અમે સંબંધિત સત્તાધિકારીને જાણ કરીશું.’ તેમણે વધુ પૂછપરછ માટે લાંબાની સંપર્ક માહિતી પણ માંગી છે. અહીં સામાજીક જનતાએ પણ હુમલાખોર સામે કાર્યવાહી કરવાની માગ કરી છે.
એક વ્યકિતએ કહ્યું કે, ધરપકડ વિશે કોઈ માહિતી? સામાન્ય નાગરિકોની હાલત તો છોડી દો, આ છે આપણા મોરચાની હાલત. આ ગુંડાને તમે શું સજા કરશો? કૃપા કરીને તેની ધરપકડ સાર્વજનિક કરો.
આ પણ વાંચો:આદિત્ય-L1 લોન્ચ માટે તૈયાર, ISRO એ પ્રથમ તસ્વીર કરી શેર, અહીં જુઓ પહેલી ઝલક
આ પણ વાંચો:મુરૈનામાં ફૂડ ફેક્ટરીમાં ઝેરી ગેસ લીક થતા 5 મજૂરોના મોત
આ પણ વાંચો:મોદીની સરખામણીએ રક્ષાનું બંધન બની શકશે INDIA? વડાપ્રધાન પદ માટે પહેલાથી જ બે દાવેદાર
