નવી દિલ્હી: રિલાયન્સ ઇન્ડસ્ટ્રીઝથી અલગ પડેલી જિયો ફાઇનાન્સિયલ સર્વિસિઝને Jio Financial Services શેરબજારમાં લિસ્ટિંગ ડેએ જ પાંચ ટકાની લોઅર સર્કિટ લાગી છે. પાંચ ટકા લોઅર સર્કિટ લાગતા જિયોનો શેર 251.75 થયેલો છે. ગયા મહિને રિલાયન્સ ઇન્ડસ્ટ્રીઝથી અલગ થયેલી નવી કંપની જિયો ફાઇનાન્સિયલ સર્વિસિઝ સોમવાર, 21 ઓગસ્ટના રોજ શેરબજારમાં લિસ્ટ થઈ છે. કંપની બીએસઈ પર રૂ. 265 અને એનએસઈ પર રૂ. 262ના ભાવે લિસ્ટ થયેલ છે.
જિયો ફાઇનાન્સિયલ સર્વિસિસનું માર્કેટ કેપ શરૂઆતના ભાવે રૂ. 1.6 લાખ કરોડ છે. જિયો ફાઇનાન્સિયલે મ્યુચ્યુઅલ ફંડના ક્ષેત્રમાં પ્રવેશવા માટે બ્લેકરોક સાથે જોડાણ કર્યું છે. બંને કંપનીઓ આ ક્ષેત્રમાં $150 મિલિયનનું રોકાણ કરશે. 30 જૂન સુધી RIL પાસે 35.06 લાખ રોકાણકારો હતા.
પ્રથમ 10 દિવસ માટે, જિયો ફાઇનાન્શિયલનો શેર Jio Financial Services માત્ર ટ્રેડ-2-ટ્રેડ (T2T)ના આધારે વેપાર કરશે. મતલબ કે આ સમય દરમિયાન શેર એક જ દિવસે ખરીદી અને વેચી શકાતા નથી. તે ડિલિવરી આધારે ઉપલબ્ધ થશે. કંપનીના નોન એક્ઝિક્યુટિવ ચેરમેન કે.વી. કામતે લિસ્ટિંગ સેરેમની દરમિયાન જણાવ્યું હતું કે JFCL ભારત સાથે આગળ વધશે અને ડિજિટલ ફર્સ્ટ સંસ્થા તરીકે કામ કરશે. તેમણે એમ પણ કહ્યું કે આ વિસ્તારમાં થોડું મોડું ઉતરવું પણ ફાયદાકારક રહેશે. તેમનું કહેવું છે કે કંપનીને પહેલાથી જ થયેલા ટેક્નોલોજીકલ ડેવલપમેન્ટનો લાભ મળશે અને તેને સંપૂર્ણ રીતે રિડીમ કરવામાં આવશે.
જિયો ફાઇનાન્સિયલે ગયા મહિને 21 તારીખે પ્રી-ઓપનિંગ Jio Financial Services સત્ર પણ યોજ્યું હતું જેમાં શેરનું શોધાયેલ મૂલ્ય રૂ. 261 ની નજીક આવ્યું હતું. આજે શેરની શરૂઆત તે ભાવોભાવથી થઈ છે. નોંધપાત્ર વાત એ છે કે, લગભગ બે દાયકામાં પ્રથમ વખત કોઈ રિલાયન્સ કંપની બજારમાં લિસ્ટ થઈ છે. સમાચાર લખાય છે ત્યાં સુધી, કંપનીના શેર BSE અને NSE બંને સૂચકાંકો પર 5 ટકાની નીચલી સર્કિટને અથડાયા છે.
જિયો ફાઇનાન્સિયલ્સની પેરન્ટ રિલાયન્સ ઈન્ડસ્ટ્રીઝના શેર પણ લાલ નિશાનમાં ટ્રેડ થઈ રહ્યા છે. કંપનીના શેર NSE અને BSE બંને પર આશરે રૂ. 2526 પર ટ્રેડ કરી રહ્યા છે, જે સવારે 11 વાગ્યાની આસપાસ 0.83 ટકા અથવા રૂ. 21.05 ઘટીને છે.
આ પણ વાંચોઃ uttarakhand accident/ઉત્તરાખંડમાં બસને અકસ્માત નડતા સાત ગુજરાતી પ્રવાસીના મોત
આ પણ વાંચોઃ Gujarat-BJP-Congress/ભાજપ 12થી વધુ સાંસદોની ટિકિટ કાપી શકે છે, AAP સાથે જોડાણની શક્યતા ચકાસતી કોંગ્રેસ
આ પણ વાંચોઃ Child Vaccination/પ્રાથમિક આરોગ્ય કેન્દ્રની ટીમે શ્રમિક કુટુંબને એવું તે શું સમજાવ્યું કે તેના થઈ રહ્યા છે વખાણ
આ પણ વાંચોઃ Surat/સુરતની ડાયમંડ હોસ્પિટલમાં એકસાથે 30 પ્રસુતિ થતા રેકોર્ડ સર્જાયો
આ પણ વાંચોઃ World Photography Day/સુરતમાં 1839થી લઈ 2023 સુધીના કેમેરાનું પ્રદશન વર્લ્ડ ફોટોગ્રાફી ડે પર ખુલ્લું મુકાયું
