કેન્દ્રીય પ્રધાન નીતિન ગડકરીએ શનિવારે અર્થવ્યવસ્થાની મંદીને લઈને કહ્યું હતું કે આ મુશ્કેલ સમય પણ પસાર થઈ જશે. હેરાન પરેશાન થવાની કોઈ જરૂર નથી. વિદર્ભ ઇન્ડસ્ટ્રીઝ એસોસિએશનના 65 માં સ્થાપના દિને ગડકરીએ અહીં કહ્યું હતું કે ‘મને ખબર છે કે ઉદ્યોગ ખૂબ જ મુશ્કેલ સમયમાંથી પસાર થઈ રહ્યો છે. અમે વિકાસ દર વધારવા માંગીએ છીએ.
તેમણે જણાવ્યું હતું કે, તેઓ તાજેતરમાં ઓટોમોબાઈલ ઉત્પાદકોને મળ્યા છે અને તેઓ કંઈક અંશે ચિંતિત જણાયા હતા. આ અંગે ગડકરીએ ઓટોમોબાઇલ ઉત્પાદકોને કહ્યું હતું કે, કભી ખુશી, કભી ગમ એ જ જીવન ચક્ર છે. કેટલીકવાર તમે સફળ થશો અને ક્યારેક તમે નિષ્ફળ થશો. આ જીવનચક્ર છે. બીજી તરફ, નાણાં પ્રધાન નિર્મલા સીતારમણે શનિવારે સુસ્ત અર્થવ્યવસ્થાને વેગ આપવા માટે માર્કેટ ઉત્તેજનાના પગલાઓના ત્રીજા હપ્તાની ઘોષણા કરી હતી. આમાં સ્થાવર મિલકત અને નિકાસ ક્ષેત્રોને કુલ રૂ. 70 હજાર કરોડથી વધુની નાણાકીય સહાય આપવાની યોજનાઓ શામેલ છે.
જેમાં અધૂરા હાઉસિંગ પ્રોજેક્ટ્સ પૂરા થવા માટે ધિરાણ પૂરા પાડવા માટે ભંડોળ સ્થાપવા જેવી યોજનાઓ માટે 30 હજાર કરોડ રૂપિયા ખર્ચવાની યોજના શામેલ છે. સરકારે આ પગલું એવા સમયે લીધું છે જ્યારે આર્થિક વિકાસદર છ વર્ષના તળિયે આવી ગયું છે. નાણાં પ્રધાનની ઘોષણાને ઉદ્યોગ સંગઠનો, રીઅલ એસ્ટેટ કંપનીઓ અને દેશના નિકાસકારોએ આવકાર્યો છે. સીતારામણે રાજધાનીમાં યોજાયેલી પત્રકાર પરિષદમાં જણાવ્યું હતું કે, બાંધકામના છેલ્લા તબક્કામાં પહોંચેલા સ્વચ્છ આવાસોના પ્રોજેક્ટ્સને પૂર્ણ કરવા આર્થિક મદદ માટે 20 હજાર કરોડ રૂપિયાનું ભંડોળ બનાવવામાં આવશે. આમાં સરકાર આશરે 10 હજાર કરોડ રૂપિયા આપશે અને આટલી જ રકમ અન્ય સ્રોતમાંથી એકત્ર કરવામાં આવશે. આ યોજનાનો લાભ ફક્ત એવા પ્રોજેક્ટ્સને જ આપવામાં આવશે જે એનપીએ જાહેર કરાઈ નથી અથવા ધિરાણ નિરાકરણ માટે એનસીએલટીને સોંપવામાં આવી નથી.
સરકારે અગાઉ ઓટોમોબાઈલ ક્ષેત્રને મદદ કરવા, કેપિટલ ગેઇન ટેક્સમાં ઘટાડો અને એનબીએફસી માટે વધારાના રોકડ સહાય જેવા પગલાઓની જાહેરાત કરી હતી. અર્થવ્યવસ્થામાં રોકાણને વેગ આપવા માટે, વિદેશી સીધા રોકાણના નિયમોને વધુ ઉદાર બનાવવા અને જાહેર ક્ષેત્રની બેંકોના આંતર મર્જર દ્વારા મોટી બેંકો સ્થાપવાના નિર્ણયો પણ લેવામાં આવ્યા છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
