અમદાવાદઃ ગુજરાતમાં લોકસભા બેઠકોની 25 બેઠકો પર મંગળવારે શાંતિપૂર્ણ મતદાન થયું છે. ક્ષત્રિય સંકલન સમિતિનો દાવો છે કે આ વખતે ગુજરાતમાં ભાજપ સાત બેઠકો ગુમાવશે. તેમા ચાર બેઠકો પર ભારે રસાકસી છે. ક્ષત્રિય આંદોલનના લીધે ભાજપને સુરેન્દ્રનગર, પાટણ, બનાસકાંઠા, સાબરકાંઠા, જામનગર અને ભરૂચ પર જીત મેળવવી અઘરી છે.
સમિતિએ જણાવ્યું છે કે ગુજરાતમાં મતદાનની ટકાવારી ઓછી રહી હોવા છતાં ક્ષત્રિય સમુદાય અને તેના સહયોગી સમુદાયોએ 80 ટકા મતદાન કર્યું છે. આવી સ્થિતિમાં ભાજપને રાજ્યમાં ઓછામાં ઓછી સાત બેઠકો ગુમાવવી પડી શકે છે. આ દાવો ક્ષત્રિય આંદોલન સમિતિના પ્રવક્તા કરણસિંહ ચાવડાએ કર્યો છે. ગુજરાતમાં મતદાન પૂર્ણ થયા બાદ ચાવડાએ જણાવ્યું હતું કે અમારા આંદોલનની પાર્ટ-2ની રાજ્યમાં વ્યાપક અસર પડી છે.
મતદાનના દિવસે ક્ષત્રિય પ્રભુત્વ ધરાવતા વિસ્તારોમાં લોકોમાં ભારે ઉત્સાહ જોવા મળ્યો હતો. મતદાન પૂરું થયા પછી ક્ષત્રિય સંકલન સમિતિએ પત્રકાર પરિષદમાં દાવો કર્યો હતો કે ક્ષત્રિય પ્રભુત્વ ધરાવતા મતવિસ્તારમાં 80 ટકાથી વધારે મતદાન થયું છે. તેની સામે નીરસ મતદાનના લીધે ભાજપના કાર્યકરોએ થાળીઓ લઈને નીકળવું પડ્યું હતું. સંકલન સમિતિનો બોલ ક્ષત્રિય સમાજે ઝીલ્યો છે, જેના લીધે વધારે મતદાન થયું છે. આ ઉપરાંત ક્ષત્રિયોને અન્ય સમાજનો સાથ સહકાર મળ્યો છે. મતદાનના દિવસ સુધી કોઈ અનિશ્ચિત ઘટના કે ઘર્ષણ થયું નથી.
ક્ષત્રિય સંકલન સમિતિના મતે જે રીતે મતદાન થયું છે તે જોતાં ગુજરાતમાં ભાજપ સાતેક બેઠકો ગુમાવશે. ચારેક બેઠકો પર રસાકસી જામશે. અન્ય બેઠકો પર પાંચ લાખની લીડથી જીત મેળવવાના સપના પૂરા નહી થાય.
ક્ષત્રિય ચળવળ સંકલન સમિતિના પ્રવક્તા કરણસિંહ ચાવડાએ જણાવ્યું હતું કે ઓળખની લડાઈમાં અમને અન્ય સમાજનો પણ સાથ મળ્યો છે. ચાવડાએ કહ્યું કે અમને જે પ્રતિસાદ મળ્યો છે. તે હિસાબે સાત બેઠકો ગુમાવી શકાય છે. આ સિવાય ચાર બેઠકો એવી છે કે જ્યાં નજીકનો મુકાબલો છે. ચાવડાએ દાવો કર્યો હતો કે ગુજરાતમાં ક્ષત્રિય ચળવળને કારણે તેઓ પાંચ લાખ મતોથી જીતીને 25 બેઠકોનો દાવો કરવાનું ભૂલી ગયા છે. ચાવડાએ જણાવ્યું હતું કે, સમાજનું આંદોલન સફળ રહ્યું હતું. મને સાથ આપનાર તમામ લોકો અને અન્ય સમાજના લોકોનો હું આભાર વ્યક્ત કરું છું. ગુજરાતમાં ક્ષત્રિયોએ રાજકોટથી ભાજપના નેતા પરષોત્તમ રૂપાલાની ટિકિટ રદ કરવાની માંગ કરી હતી, પરંતુ ભાજપે તેમની ટિકિટ રદ કરી ન હતી. આ પછી ક્ષત્રિયોએ ઓપરેશન 26 શરૂ કર્યું હતું, પરંતુ સુરત બેઠક પર ભાજપની બિનહરીફ જીત બાદ ઓપરેશન 25 વધારવામાં આવ્યું હતું.
આ પણ વાંચો: ગુજરાતમાં ફરીથી પોલીંગ બૂથ પર 100 ટકા મતદાન
આ પણ વાંચો: અમરેલીમાં ફરજ પર હાજર ચૂંટણી કર્મચારીનું હાર્ટએટેકથી નિધન
આ પણ વાંચો: કલ, આજ ઔર ‘કલ’નું એક સાથે મતદાન
