Amreli News: ગુજરાતમાં લોકસભાની 25 બેઠકો અને પાંચ વિધાનસભા બેઠકોનું મતદાન ચાલી રહ્યુ છે ત્યારે અમરેલી બેઠક પર મતદાન વખતે કરૂણ બનાવ બન્યો હતો. અમરેલીમાં ફરજ પર હાજર મહિલા મતદાન કર્મચારીનું ફરજ દરમિયાન મોત થયું હતું. તેઓ જાફરાબાદ શહેરની સાગર શાળામાં ફરજ પર હાજર હતા.
શિક્ષિકા કૌશિકાબેન બાબરિયા ફરજ પર હતા ત્યારે જ અચાનક પડી ગયા હતા. મહિલાને રાજુલાની ખાનગી હોસ્પિટલમાં ખસેડવામાં આવ્યા હતા. તેમને હોસ્પિટલમાં ફરજ પરના ડોક્ટરે મૃત જાહેર કર્યા હતા. આના પગલે મતદાન મથકના ફરજ પરના કર્મચારીઓમાં સોંપો પડી ગયો છે. આ સમાચાર ફેલાવવાની સાથે જ મતદાન મથકના કર્મચારીઓમાં સોંપો પડી ગયો છે. તેની સાથે રાજ્યના બધા જ મતદાન મથકોમાં ચૂંટણી કર્મચારીઓની વિશેષ કાળજી લેવાના સૂચનો અપાયા છે. તેની સાથે ફરજ પરના હાજર કર્મચારીની તબિયત બગડે તો તેને તાત્કાલિક સારવાર પૂરી પાડવા પણ જણાવી દેવાયું છે.
આ પણ વાંચો:રાજ્યમાં ગરમીનો પારો 42 ડિગ્રીને પાર જશે, જલ્દીથી મતદાન કરી લો…