એક તરફ સાઉથ સિનેમાની ફિલ્મોનો દબદબો વધી રહ્યો છે. બીજી તરફ ભાષાને લઈને નવો વિવાદ સામે આવ્યો છે. આ વિવાદ સાઉથ ઈન્ડસ્ટ્રીના હિટ વિલન કિચ્ચા સુદીપના વીડિયો ઈન્ટરવ્યુથી શરૂ થયો છે. આ વીડિયોમાં તેણે હિન્દી ભાષા માટે કહ્યું કે તે આપણી રાષ્ટ્રભાષા નથી. હવે કિચા સુદીપના આ વિવાદાસ્પદ નિવેદને લોકોનું ધ્યાન ખેંચ્યું છે. અજય દેવગને આ અંગે પ્રતિક્રિયા આપતા અભિનેતાને જડબાતોડ જવાબ આપ્યો છે.
અજય દેવગને ટ્વીટ કરીને લખ્યું, “કિચ્ચા સુદીપ, મારા ભાઈ, જો તમારા મતે હિન્દી આપણી રાષ્ટ્રભાષા નથી તો તમે તમારી માતૃભાષાની ફિલ્મોને હિન્દીમાં ડબ કરીને શા માટે રિલીઝ કરો છો? હિન્દી અમારી માતૃભાષા હતી, છે અને હંમેશા છે અને રહેશે. જન ગણ મન.”
અજય દેવગનને જવાબ આપતા કિચાએ પણ ટ્વીટ કરીને તેની સ્પષ્ટતા કરી હતી. તેણે લખ્યું કે, સર, જે સંદર્ભમાં મેં કહ્યું હતું ક્યાંક મને લાગે છે કે મારી વાતને જ અલગ રીતે લીધી છે. હું તમને મળીશ ત્યારે જ હું મારી વાતને તમારી સામે સારી રીતે મૂકી શકીશ. મારો મતલબ એવો નહોતો કે કોઈની ભાવનાઓને ઠેસ પહોંચે હું શા માટે આવું કરીશ, સર.”
કિચાએ અન્ય એક ટ્વિટમાં લખ્યું કે હું મારા દેશની દરેક ભાષાનું સન્માન કરું છું. હું આ વિષયને વધુ આગળ વધારવા માંગતો નથી. હું ઇચ્છું છું કે આ ટોપિક અહીં જ સમાપ્ત થાય. મેં કહ્યું તેમ મારો અર્થ એ કહેવાનો નહોતો કે જે સમજાઈ રહ્યું છે. તમને ઘણો પ્રેમ અને શુભેચ્છાઓ. હું તમને જલ્દી મળવાની આશા રાખું છું.
કિચાએ ત્રીજી ટ્વિટમાં લખ્યું, “અને સર અજય દેવગન, તમે હિન્દી ટેક્સ્ટમાં જે મોકલ્યું છે તે હું સમજું છું. આ એટલા માટે છે કારણ કે આપણે બધા આ ભાષાને માન આપીએ છીએ, પ્રેમ કરીએ છીએ અને શીખ્યા છીએ. કોઈ શરમ નથી સર. પણ હું વિચારી રહ્યો છું કે શું થયું હશે. જો મેં આ જ ટ્વિટ કન્નડ ભાષામાં લખી હોત તો શું આપણે બધા ભારતના નથી સર?”
અજય દેવગણે કીચા સુદીપને ટ્વીટ કરીને જવાબ આપ્યો કે, હેલો કીચા સુદીપ. તમે મારા મિત્ર છો. મારી ગેરસમજ દૂર કરવા બદલ આભાર. મેં ફિલ્મ ઈન્ડસ્ટ્રીને હંમેશા એક તરીકે જ જોઈ છે. આપણે બધા દરેક ભાષાનો આદર કરીએ છીએ અને દરેક વ્યક્તિ આપણી ભાષાને માન આપે તેવી અપેક્ષા રાખીએ છીએ. કદાચ, અનુવાદમાં કંઈક ભૂલ થઈ હશે.
આના જવાબમાં કિચ્ચા સુદીપે લખ્યું, “અનુવાદ અને અર્થઘટન એ પરિપ્રેક્ષ્ય છે સર, તેથી હું કારણ જાણ્યા વિના પ્રતિક્રિયા આપી રહ્યો નથી, કારણ કે આખરે શું ફરક પડે છે. અજય દેવગન સર, હું તમને દોષ નથી આપતો. મારા માટે સૌથી ખુશીની ક્ષણ ત્યારે હશે જ્યારે તમે કંઈક સર્જનાત્મક માટે મારી પ્રશંસા કરશો. પ્રેમ અને આદર.”
આ પણ વાંચો: ઉત્તરપ્રદેશ / શિવપાલ યાદવના ભાજપમાં જોડાવાની અટકળો પર અખિલેશ યાદવનું મોટું નિવેદન, જાણો શું કહ્યું?
આ પણ વાંચો: vacation / કાળઝાળ ગરમીને લઈને 02 મેથી શાળાઓ બંધ કરવાનો નિર્ણય
