ઓસ્ટ્રેલિયા સામેની ત્રીજી વનડેમાં ભારતનાં કેપ્ટન વિરાટ કોહલીએ મહાન સચિન તેંડુલકરનો રેકોર્ડ તોડ્યો છે. કોહલીએ તેની વનડે કારકિર્દીમાં 12,000 રન પૂરા કર્યા છે. ત્રીજી વનડે મેચમાં વિરાટે 23 રન બનાવતાંની સાથે જ તે વનડેમાં 12,000 રન પૂરા કરવામાં સફળ થયો. વન ડેમાં સચિને તેની કારકિર્દીમાં 300 મી ઇનિંગ્સમાં 12,000 રન પૂરા કર્યા હતા, જ્યારે કોહલીએ આજે 23 રન બનાવ્યા બાદ 12,000 રન પૂરા કર્યા હતા, કોહલીએ ફક્ત 242 મી ઇનિંગમાં આ સિદ્ધિ મેળવી છે. આ કરીને, કોહલી વનડેમાં સૌથી ઝડપી 12,000 રન બનાવનાર બેટ્સમેન બન્યો છે.
તેંડુલકર ઉપરાંત, રિકી પોન્ટિંગે તેની વનડે કારકિર્દીમાં 314 મી ઇનિંગ્સમાં 12,000 રન પૂરા કર્યા હતા. શ્રીલંકાનાં કુમાર સંગાકારાએ 336 ઇનિંગ્સ, સનથ જયસૂર્યાએ 379 ઇનિંગ્સ અને મહેલા જયવર્દને 399 મી ઇનિંગ્સમાં 12,000 રન પૂરા કર્યા હતા. આવી સ્થિતિમાં કોહલી પાસે વન-ડે વર્લ્ડ રેકોર્ડ બનાવવાની તક છે. વળી બીજી ઇનિંગ્સ દરમિયાન, કોહલી આંતરરાષ્ટ્રીય ક્રિકેટમાં 22,000 રન બનાવનાર સૌથી ઝડપી બેટ્સમેન બન્યો છે. કોહલીએ બીજી વનડેમાં સદીથી ચુકી ગયો હતો અને 89 રનની ઇનિંગ્સ રમી હતી. જોકે ભારતીય ટીમને હારનો સામનો કરવો પડ્યો હતો, કોહલીની ઇનિંગ્સે ચોક્કસપણે ચાહકોનું દિલ જીતી લીધું હતું.
ભારતીય ટીમે ઓસ્ટ્રેલિયા સામેની વનડે સિરીઝ ગુમાવી છે. ત્રીજી વનડે ભારતીય ટીમ માટે સન્માનની રહેશે. ટી-નટરાજનને ઓસ્ટ્રેલિયા સામેની ત્રીજી વનડેમાં ડેબ્યૂ કરવાની તક મળી છે.
વનડેમાં સૌથી ઓછી ઇનિંગ્સમાં 12,000 રન બનાવનારા ખેલાડીઓ
242 વિરાટ કોહલી (ભારત)
300 સચિન તેંડુલકર (ભારત)
314 રિકી પોન્ટિંગ (ઓસ્ટ્રેલિયા)
336 કુમાર સંગાકારા (શ્રીલંકા)
379 સનથ જયસૂર્યા (શ્રીલંકા)
399 મહિલા જયવર્દને (શ્રીલંકા)
મંતવ્ય ન્યૂઝ દ્વારા જાહેર અપીલ –
દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…
