IPL 2021 ના બીજા તબક્કાની શરૂઆતનાં લગભગ 20 દિવસ પહેલા વિરાટ કોહલીનાં નેતૃત્વમાં RCB ને મોટો આંચકો લાગ્યો છે. હવે જ્યારે આઈપીએલની બાકીની મેચોની તૈયારીઓ અંતિમ તબક્કામાં ચાલી રહી છે, ત્યારે વિરાટ કોહલીની ટીમનાં મુખ્ય સભ્ય વોશિંગ્ટન સુંદર બાકીની આઈપીએલમાંથી બહાર થઈ ગયા છે. એવું કહેવાય છે કે તેની આંગળીમાં ઈજા આવી છે, તેથી તે બાકીની મેચ માટે ઉપલબ્ધ રહેશે નહીં.
આ પણ વાંચો – Cricket / ઈંગ્લેન્ડ વિરુદ્ધ હાર બાદ મયંતી લેંગરે પતિ બિન્નીનો ફોટો શેર કરી ટીમ ઈન્ડિયાને કરી ટ્રોલ
ટીમ વતી એવું કહેવામાં આવ્યું છે કે, વોશિંગ્ટન સુંદર ટીમમાં રહેશે નહીં, તેથી તેની જગ્યાએ આકાશ દીપનો સમાવેશ કરવામાં આવ્યો છે. આકાશ દીપ બંગાળ તરફથી રમે છે. આ પહેલા પણ, RCB ટીમને ઘણી રિપ્લેસમેન્ટ શોધવી પડી છે, કારણ કે ઘણા ખેલાડીઓએ IPL માં રમવાની ના પાડી દીધી છે. RCB, કેપ્ટન વિરાટ કોહલી, જે એક વખત પણ IPL ખિતાબ જીતી શક્યો નથી, તેની ટીમે આ વર્ષે અત્યાર સુધી સારું પ્રદર્શન કર્યું છે. ટીમે અત્યાર સુધીમાં તેની સાત મેચ રમી છે, જેમાંથી તેણે પાંચ જીતી છે અને ટીમ માત્ર બેમાં હારી છે. વળી, ટીમ પાસે હવે દસ પોઇન્ટ છે. પોઈન્ટ ટેબલની વાત કરીએ તો, આરસીબીની ટીમ દિલ્હી કેપિટલ્સ અને ચેન્નાઈ સુપર કિંગ્સ પછી ત્રીજા સ્થાને છે અને ટીમ પ્લેઓફમાં પહોંચવાની તમામ શક્યતાઓ ધરાવે છે. જ્યારે વર્ષ 2020 માં સમગ્ર આઈપીએલ યુએઈમાં યોજાઈ હતી, ત્યારે પણ ટીમ પ્લેઓફમાં પહોંચી ગઈ હતી, પરંતુ તે પછી તે આગળ વધી શકી નહોતી, તે જોવાનું રહેશે કે ટીમ આ વખતે પોતાનો ટેમ્પો જાળવી શકશે કે નહીં. કેપ્ટન વિરાટ કોહલી પોતે ઈંગ્લેન્ડ સાથે ચાલી રહેલી સીરીઝ પૂરી થયા બાદ યુએઈ પહોંચશે. હવે આગળ જોવાનું રહેશે કે બાકીની મેચોમાં RCB કેવું પ્રદર્શન કરે છે.
આ પણ વાંચો – IPL 14 / કોહલીની વિરાટ ટેન્શન દૂર, હવે આ બે ખાલાડી બનશે RCB ની Strength
જો કે, આરસીબી માટે આ પહેલા સારા સમાચાર એ આવ્યા હતા કે શ્રીલંકા ક્રિકેટે આઇપીએલ 2021 નાં બીજા તબક્કામાં રમવા માટે લેગ સ્પિનર વનિંદુ હસરંગા અને ફાસ્ટ બોલર દુષ્મંત ચમીરાને એનઓસી આપી દીધી છે. શ્રીલંકા ક્રિકેટે એક નિવેદન જારી કરીને કહ્યું છે કે, ટેક્નિકલ સલાહકાર સમિતિ સાથે પરામર્શ કરીને SLC દ્વારા ખેલાડીઓને મંજૂરી આપવામાં આવી છે. આ બંને ખેલાડીઓને આઈપીએલ ટીમોમાં જોડાવા માટે એનઓસી આપવામાં આવી છે. બંને ખેલાડીઓ 10 ઓક્ટોબરે શ્રીલંકાની ટીમમાં જોડાશે અને ટી 20 વર્લ્ડ કપ ક્વોલિફાયરની બે વોર્મઅપ મેચોમાં ભાગ લેશે. વનિંદુ હસરંગા અને દુષ્મંત ચમીરા યુએઈમાં આયોજિત IPL 2021 નાં બીજા તબક્કામાં રોયલ ચેલેન્જર્સ બેંગ્લોર એટલે કે RCB માટે રમતા જોવા મળશે. હસરંગાને એડમ ઝમ્પાની જગ્યાએ લેવામાં આવ્યો છે જ્યારે ડેનિઅલ સેમ્સની જગ્યાએ ચમીરાને ટીમમાં સ્થાન આપવામાં આવ્યું છે. IPL 2021 નાં બીજા તબક્કામાં RCB નું અભિયાન 20 સપ્ટેમ્બરથી અબુ ધાબીમાં શરૂ થશે, જ્યારે ટીમ પ્રથમ વખત કોલકાતા નાઈટ રાઈડર્સ સામે ટકરાશે.
