Ahmedabad News: અમદાવાદના કૃષ્ણનગર વિસ્તારમાંથી પોલીસે હાઇબ્રિડ ગાંજાના (Krishnanagar Hybrid Ganja) જથ્થા સાથે ત્રણ યુવકોની ધરપકડ કરી છે. પોલીસના જણાવ્યા મુજબ, આરોપીઓ પાસેથી કુલ 54.180 ગ્રામ હાઇબ્રિડ ગાંજો મળી આવ્યો છે, જેની અંદાજિત કિંમત રૂ. 1.90 લાખ થાય છે. પ્રાથમિક તપાસમાં આ ગાંજાનો જથ્થો રાજસ્થાનથી લાવવામાં આવતો હોવાનો અને છેલ્લા સાત મહિનાથી આ નેટવર્ક સક્રિય હોવાનો ખુલાસો થયો છે.

Krishnanagar Hybrid Ganja: 54.180 ગ્રામ હાઇબ્રિડ ગાંજા સાથે ત્રણની ધરપકડ

કૃષ્ણનગર પોલીસને મળેલી ચોક્કસ બાતમીના આધારે કાર્યવાહી કરવામાં આવી હતી. આ દરમિયાન સંદીપકુમાર વર્મા, પ્રદીપ રાજપૂત અને બંટી મીરચંદાની નામના ત્રણ યુવકોને ઝડપી લેવામાં આવ્યા હતા. પોલીસે તેમની પાસેથી 54.180 ગ્રામ હાઇબ્રિડ ગાંજો જપ્ત (Ganja Seized) કર્યો છે. જપ્ત કરાયેલા ગાંજાની બજાર કિંમત અંદાજે રૂ. 1.90 લાખ હોવાનું જણાવાયું છે.

રાજસ્થાનથી 10 દિવસ પહેલાં જથ્થો લાવ્યાનો ખુલાસો

પોલીસ તપાસમાં સામે આવ્યું છે કે આરોપી બંટી મીરચંદાની આશરે 10 દિવસ પહેલાં રાજસ્થાનથી હાઇબ્રિડ ગાંજાનો જથ્થો (Rajasthan Ganja Supply) લાવ્યો હતો. ત્રણેય આરોપીઓ મિત્રો હોવાનું અને પોતે પણ નશાના બંધાણી હોવાની માહિતી સામે આવી છે. તેઓ પોતાની જરૂરિયાત માટે ગાંજાનો ઉપયોગ કરવાની સાથે કૃષ્ણનગર અને આસપાસના વિસ્તારોમાં છૂટક વેચાણ કરતા હોવાનો પોલીસનો દાવો છે.

સાત મહિનાથી સક્રિય નેટવર્કની તપાસ

પોલીસના જણાવ્યા (Gujarat Police) મુજબ, આ ગાંજાનું નેટવર્ક (Drug Network) છેલ્લા સાત મહિનાથી સક્રિય હતું. હાલ ત્રણેય આરોપીઓ સામે ગુનો નોંધી વધુ તપાસ હાથ ધરવામાં આવી છે. પોલીસ હવે રાજસ્થાનમાં ગાંજાનો જથ્થો પૂરો પાડતા મુખ્ય સપ્લાયર અને આ નેટવર્ક સાથે સંકળાયેલા અન્ય લોકો સુધી પહોંચવાનો પ્રયાસ કરી રહી છે.

આ પણ વાંચો: પાટણા ગામે ઘરના ફળિયા અને વાડામાં વવાયેલા ગાંજાના લીલા છોડ ઝડપાયા

આ પણ વાંચો: દ્વારકાના મંદિરમાં ગાંજાનું વાવેતર, ₹6.07 લાખનો મુદ્દામાલ જપ્ત

આ પણ વાંચો: રિક્ષામાંથી ગાંજાની 90 પડીકીઓ ઝડપાઈ, ડ્રાઈવર ઝડપાયો