પોલીસના જણાવ્યા અનુસાર, કોટંબીના (Shah Industrial Park) શાહ ઇન્ડસ્ટ્રીયલ પાર્કમાં આવેલા ‘સાંઈનાથ એન્ટરપ્રાઇઝ’ નામના ગોડાઉનમાં વિદેશી દારૂનો જથ્થો રાખવામાં આવ્યો હતો. LCBની ટીમે દરોડા દરમિયાન કુલ 1,490 પેટી કબજે કરી હતી. આ પેટીઓની ગણતરી કરતાં વિદેશી દારૂની કુલ 66,432 બોટલો મળી આવી હતી.

દારૂનો આટલો મોટો જથ્થો ગોડાઉનમાં સંગ્રહિત હોવાની માહિતી મળતાં પોલીસે આગળની તપાસ હાથ ધરી છે. જપ્ત કરાયેલા દારૂના જથ્થા અંગે જરૂરી કાયદેસરની કાર્યવાહી પણ શરૂ કરવામાં આવી છે.

રૂ. 1.28 કરોડનો મુદ્દામાલ જપ્ત, પાંચ આરોપીઓની ધરપકડ

દરોડા દરમિયાન પોલીસે વિદેશી દારૂ(Foreign liquor) ઉપરાંત એક કાર અને અંદાજે રૂ. 56 હજારની કિંમતના સાત મોબાઇલ ફોન સહિત કુલ રૂ. 1,28,85,552નો મુદ્દામાલ કબજે કર્યો છે.

આ કાર્યવાહી દરમિયાન રાજસ્થાન(Rajasthan)ના ચાર શખસો અને હરિયાણા(Haryana)ના સુમીત સહિત કુલ પાંચ આરોપીઓને ઝડપી લેવામાં આવ્યા હોવાનું જણાવાયું છે. પોલીસે આરોપીઓની ભૂમિકા અને દારૂના જથ્થા સાથેના તેમના સંબંધ અંગે વધુ તપાસ હાથ ધરી છે.

મહારાષ્ટ્રથી દારૂ મંગાવ્યાનો ખુલાસો

પોલીસની પ્રાથમિક પૂછપરછમાં દારૂનો જથ્થો મહારાષ્ટ્રના પ્રધાનજી નામના શખસ પાસેથી મંગાવવામાં આવ્યો હોવાની માહિતી સામે આવી છે. હવે પોલીસ આ જથ્થો ક્યાં પહોંચાડવાનો હતો, તેની હેરફેરમાં અન્ય કોણ સંડોવાયેલું છે અને આ નેટવર્કનાં તાર અન્ય રાજ્યો સાથે જોડાયેલા છે કે કેમ તે દિશામાં તપાસ કરી રહી છે.

આ કેસમાં સંડોવાયેલા અન્ય વોન્ટેડ આરોપીઓને શોધવા માટે પણ કાર્યવાહી હાથ ધરવામાં આવી છે. તપાસ આગળ વધતાં દારૂના સપ્લાય અને વિતરણ સંબંધિત વધુ વિગતો સામે આવે તેવી શક્યતા છે.

આ પણ વાંચો: ધ્રાંગધ્રામાં ઈનોવા ગાડીમાંથી દારૂની હેરાફેરીનો પર્દાફાશ, કુલ 12.76 લાખનો મુદ્દામાલ જપ્ત

આ પણ વાંચો: મોરબીમાં વિદેશી દારૂ સાથે રૂપિયા 4.09 લાખના મુદ્દામાલ સહિત એક આરોપી ઝડપાયો

આ પણ વાંચો: વલસાડમાં LCBએ 1023 પેટી વિદેશી દારૂ ભરેલો ટેમ્પો જપ્ત કર્યો, ચાલક ફરાર