Ahmedabad News: ખ્યાતિ હોસ્પિટલ (Khyati Hospital) કાંડમાં અધિકારીઓ સતત કાર્યવાહી કરી રહ્યા છે. આવી સ્થિતિમાં, ખ્યાતિ હોસ્પિટલ કૌભાંડમાં સંડોવાયેલા ડો. પ્રશાંત વઝીરાણીનું લાયસન્સ રદ કરવામાં આવ્યું છે. આગામી 3 વર્ષ સુધી તબીબી પ્રેક્ટિસ કરી શકશે નહીં. ખ્યાતિ કૌભાંડમાં ગુજરાત મેડિકલ કાઉન્સિલે નેશનલ મેડિકલ કાઉન્સિલને પત્ર લખી લાયસન્સ રદ કરવાની ભલામણ કરી હતી.
બે મહિના અગાઉ ડૉ. સંજય પટોડિયા અને ડૉ. શૈલેષ આનંદ સામે કાર્યવાહી કરવામાં આવી હતી. PMJAY યોજનાના ડિરેક્ટર હેઠળની સમિતિ દ્વારા તૈયાર કરાયેલા અહેવાલના આધારે મેડિકલ કાઉન્સિલરની સુનાવણીમાં આ નિર્ણય લેવામાં આવ્યો હતો. થોડા સમય અગાઉ જ અમદાવાદમાં ખ્યાતિ હોસ્પિટલમાં મોટા કૌભાંડનો પર્દાફાશ થયો હતો. આ કેસમાં 105 લોકોના નિવેદન નોંધવામાં આવ્યા હતા. CrPC-164 મુજબ, સાત સાક્ષીઓના નિવેદનો નોંધવામાં આવ્યા હતા.
19 ઇલેક્ટ્રોનિક પુરાવા, 36 ફાઇલો અને 11 રજિસ્ટર જપ્ત કરવામાં આવ્યા હતા. 34 બેંક ખાતાઓ વિશે માહિતી મેળવવામાં આવી હતી. આ સાથે આરોપીઓની મિલકતોની તપાસ કરવામાં આવી હતી. આ ઉપરાંત, 37 દર્દીઓનો ઇતિહાસ જપ્ત કરવામાં આવ્યો હતો. ખ્યાતિ હોસ્પિટલ કેસમાં 8 આરોપીઓ સામે ચાર્જશીટ દાખલ કરવામાં આવી છે. ખ્યાતિ હોસ્પિટલમાં દર્દીઓના મૃત્યુના કેસમાં ક્રાઈમ બ્રાન્ચે અમદાવાદ ગ્રામ્ય કોર્ટ(Ahmedabad Rural Court)માં 5,670 પાનાની ચાર્જશીટ દાખલ કરી છે.
અગાઉ ગુજરાત મેડિકલ કાઉન્સિલે ડૉ. પ્રશાંત વઝીરાણીનું લાઇસન્સ ત્રણ વર્ષ માટે સસ્પેન્ડ કર્યું હતું. ખ્યાતિ કાંડ પછી, ગુજરાત મેડિકલ કાઉન્સિલની સૌથી મોટી કાર્યવાહી હતી. ડૉ. પ્રશાંત વઝીરાણીનું MBBS, MS, DNB લાઇસન્સ ત્રણ વર્ષ માટે સસ્પેન્ડ કરવામાં આવ્યું હતું.
આ પણ વાંચો:ખ્યાતિકાંડ’ બાદ સરકાર એક્શનમાં, રાજ્યની 7 હોસ્પિટલ કરાઈ બ્લેકલિસ્ટ
આ પણ વાંચો:ચકચારી ખ્યાતિ કાંડમાં આરોગ્ય વિભાગનો કર્મચારી ક્રાઈમ બ્રાન્ચના સકંજામાં
આ પણ વાંચો:ખ્યાતિકાંડ મામલે આ ત્રણને સામસામે બેસાડી પૂછપરછ કરશે ક્રાઈમ બ્રાન્ચ
