લીલી હળદરનું શાક બનાવવા માટે જરૂરી સામગ્રી:
500 ગ્રામ ટમેટાની અધ્ધકચરી ગ્રેવી
500-750 ગ્રામ લીલી હળદર
500 ગ્રામ ઘી
500 ગ્રામ દહીં (લસ્સી જેવું)
250 ગ્રામ આદું
250 ગ્રામ મરચાની પેસ્ટ
250 ગ્રામ લીલા વટાણા
200 ગ્રામ કોથમીર
200-400 ગ્રામ સમારેલ ગોળ
મીઠુ, લાલ મરચું
લીલી હળદરનું શાક બનાવવાની રીત:
સૌપ્રથમ ઘી માં લીલી હળદર લાલાશ થાય ત્યાં સુધી સાંતળી લેવી (બળી ન જાય તેનુ ધ્યાન રાખવું.)પછી ટામેટાની ગ્રેવી ઉમેરવી. ઘી છૂટું પડે એટલે આદું છૂટું છવાયું ભભરાવી 1-2 મિનીટ રહેવા દેવું ત્યારબાદ મરચાની પેસ્ટ ઉમેરવી.
પછી જરૂર મુજબ મીઠુ અને લાલ મરચું ઉમેરવું. પછી વટાણા અને ગોળ ઉમેરી મિક્સ કરવું. છેલ્લે દહીં ઉમેરી બરાબર મિક્સ કરી દેવું. કોથમીર ઉમેરી ગાર્નિશ કરવું. લો, હવે તૈયાર છે હળદરનું ટેસ્ટી શાક. આ શાકને બાજરીના રોટલા સાથે સર્વ કરવું.