સિંહને જંગલનો રાજા કહેવામાં આવે છે અને જયારે સિંહ જંગલમાં ફરતો હોય છે, ત્યારે અન્ય પ્રાણીઓની હાલત પણ ખરાબ થઇ જતી હોય છે. આ જ કારણ છે કે, સિંહ જંગલમાં રાજા બનીને ફરતો હોય છે. પરંતુ શું તમે જોયું છે કે, એકદમ તંદુરસ્ત જોવા મળી રહેલો સિંહ અચાનક જ મૃત્યુ પામી જાય.
આ જ પ્રકારનો એક વિડીયો સોશિયલ મીડિયામાં વાયરલ થઇ રહ્યો છે અને તેને લઈને સનસનાટી મચી ગઈ છે. આ વિડીયો જોઇને લોકો હેરાન કરી થઇ રહ્યા છે કે, જંગલના રાજાનું આ પ્રકારે મોત થઇ શકે ખરું.
સોશિયલ મીડિયામાં વાયરલ થયેલા વિડીયોમાં Wildanimals.arને ક્રેડિટ કરવામાં આવ્યો છે અને મૂળરૂપથી આ વિડીયો તેઓ દ્વારા જ શેર કરાયો છે.
આ વિડીયોમાં તમે જોઈ શકો છો કે, એક સિંહ જંગલમાં ઘૂમી રહ્યો છે અને સાથે સાથે તે એકદમ તંદુરસ્ત જોવા મળી રહ્યો છે. પરંતુ આ સમયે અચાનક જ સિંહ નીચે પડી જાય છે અને તડપવા લાગે છે. આ દ્રશ્યો જોતા લાગે છે કે, તેને જાણે અચાનક જ હાર્ટ એટેક આવી ગયો હોય.. જો કે અંતે સિંહનું મોત જ થાય છે.
બીજી બાજુ આ વિડીયો જોઇને લોકો હેરાન થઇ રહ્યા છે કે, કેવી રીતે ગણતરીની મિનિટોમાં જ સિંહનું અચાનક જ મોત થઇ ગયું છે.