માફિયા અતીક અહેમદને સુપ્રીમ કોર્ટ તરફથી ઝટકો લાગ્યો છે. અતીકના વકીલે તેને યુપી ન લાવવા માટે સુપ્રીમ કોર્ટમાં અરજી કરી હતી. અતીકે અરજીમાં પોતાનો જીવ જોખમમાં હોવાનું જણાવ્યું હતું. વકીલે કોર્ટ પાસે રક્ષણ માંગ્યું હતું. આના પર સુપ્રીમ કોર્ટે અરજી ફગાવી દેતા કહ્યું કે અતીકને જેલમાં લાવવામાં આવ્યો છે. આ કોર્ટનો મામલો નથી, હાઈકોર્ટમાં જાઓ, રાજ્ય સુરક્ષાનું ધ્યાન રાખશે.
અતીકના વકીલે કહ્યું, “તેને સુરક્ષાની જરૂર છે. યુપી પોલીસની કસ્ટડીમાં તેના જીવને ખતરો છે. કોર્ટે તેની સુરક્ષા કરવી જોઈએ.” આના પર કોર્ટે કહ્યું કે, “તો તમારે આ મામલામાં કોઈપણ પ્રકારની દખલગીરી માટે પહેલા હાઈકોર્ટમાં જવું જોઈએ, આ એવો મામલો નથી જેની અમે અહીં સુનાવણી કરીએ.”
માફિયા અતીક અહેમદ પર 100 થી વધુ કેસ છે. એક રસપ્રદ વાત એ છે કે આમાંના મોટા ભાગના કેસમાં સાક્ષીઓ ફરી થઈ ગયા છે. પરંતુ ઉમેશ પાલ સાથે જોડાયેલા એક કેસમાં અતીક અહેમદ પર કોર્ટનો નિર્ણય આવવાનો બાકી છે. 28 માર્ચે કોર્ટ પોતાનો ચુકાદો આપશે અને સંભવ છે કે અતીક અહેમદને પણ સજા થાય. અતીક અહેમદને એન્કાઉન્ટરની સાથે સજાનો પણ ડર છે. ઉત્તર પ્રદેશના ફુલપુરના પૂર્વ સાંસદ અતીક અહેમદ પર રાજુ પાલ હત્યા કેસના મહત્વના સાક્ષી ઉમેશ પાલની તાજેતરમાં થયેલી હત્યામાં સંડોવણીનો આરોપ છે. રાજુ પાલ હત્યા કેસના મુખ્ય આરોપી ઉમેશ પાલનું વર્ષ 2006માં અપહરણ કરવામાં આવ્યું હતું. તે સમયે એવું પણ કહેવામાં આવ્યું હતું કે, ઉમેશ પાલ પાસેથી જુબાની ન આપવા માટે બળજબરીથી એફિડેવિટ લેવામાં આવી હતી. આ પછી વર્ષ 2007માં ઉમેશ પાલે અપહરણનો કેસ નોંધાવ્યો હતો. આ મામલામાં બાહુબલી સાંસદ અતીક અહેમદ અને તેના ભાઈ અશરફ વિરુદ્ધ કેસ નોંધવામાં આવ્યો હતો. આ કેસમાં કોર્ટમાં તમામ દલીલો પૂર્ણ થઈ ગઈ છે અને હવે કોર્ટ 28 માર્ચે પોતાનો ચુકાદો આપશે. ચુકાદા સમયે અતીક કોર્ટમાં હાજર હતો, તેથી જ યુપી પોલીસ તેને સાબરમતી જેલમાંથી UP લાવી રહી છે.
આ પણ વાંચો:નાસિકમાં પરીક્ષાને લઈને MBA વિદ્યાર્થીઓનો હોબાળો, કોલેજ પ્રશાસન સામે કેસ દાખલ
આ પણ વાંચો:લોકસભા ચૂંટણીની તૈયારીમાં ભાજપ,ઉત્તરપ્રદેશમાં નવી ટીમની કરી જાહેરાત
આ પણ વાંચો:એન્કાઉન્ટરના ભય વચ્ચે યુપી પોલીસ અતીક અહેમદને સાબરમતી જેલમાંથી પ્રયાગરાજ લાવશે
આ પણ વાંચો:અતીકને ગુજરાતમાંથી લાવવા માટે યુપી પોલીસની આવી તૈયારીઓ
