માફિયા ડોન અતીક અહેમદ ફરી રડી પડ્યો. ઉમેશ પાલ હત્યા કેસમાં પોલીસ તેની પૂછપરછ કરી રહી છે. આ દરમિયાન તે પોતાના પુત્ર અસદને યાદ કરીને વારંવાર રડી રહ્યો છે. તેણે રડતાં કહ્યું કે અમે માટીમાં મળી ગયા. બધી મારી ભૂલ છે, અસદનો કોઈ દોષ નહોતો. અતીકે કહ્યું કે દુનિયાનું સૌથી મોટું દુ:ખ એ છે કે વૃદ્ધ પિતાના ખભા પર યુવાન પુત્રની લાશ છે. અતીક વારંવાર કહી રહ્યો છે કે અસદ હવે નથી, અમને અસદની માતા સાથે મળવો.
અતીક અને અશરફ ચાર દિવસના પોલીસ રિમાન્ડ પર છે
આપને જણાવી દઈએ કે ઉમેશ પાલ હત્યા કેસમાં અતીક અને અશરફને 4 દિવસના પોલીસ રિમાન્ડ આપવામાં આવ્યા છે. આ મામલે પોલીસ બંનેની પૂછપરછ કરી રહી છે. આ પૂછપરછ દરમિયાન અતીકે ઉમેશ પાલ હત્યા કેસના પ્લાનિંગની વાત પણ સ્વીકારી છે. પુત્ર અસદને યાદ કરીને તે ફરી એક વાર રડી પડ્યો.
STFએ અસદ અને ગુલામને એન્કાઉન્ટરમાં માર્યા
જણાવી દઈએ કે યુપી STFએ ગુરુવારે ઝાંસીમાં એન્કાઉન્ટરમાં અતિક અહેમદના પુત્ર અસદ અને શૂટર ગુલામને ઠાર માર્યા હતા. પોલીસના જણાવ્યા અનુસાર બંને પાસેથી અત્યાધુનિક વિદેશી હથિયારો મળી આવ્યા છે. પ્રયાગરાજમાં ઉમેશ પાલ અને તેના બે ગનર્સની હત્યા કરીને અસદ અને ગુલામ ફરાર થઈ ગયા હતા. પોલીસે ગુનેગારોને ઝડપી લેવા સક્રિયતા દાખવી હતી. બંનેને પકડવા માટે STFની અનેક ટીમો તૈનાત કરવામાં આવી હતી.
પોલીસ અધિકારીઓના જણાવ્યા અનુસાર, ઝાંસીમાં ગુરુવારે મોટરસાઇકલ પર ભાગવાનો પ્રયાસ કરી રહેલા અસદ અને ગુલામને એસટીએફની ટીમે રોક્યા ત્યારે બંનેએ એસટીએફ ટીમ પર ગોળીબાર કર્યો. તેમણે કહ્યું કે એસટીએફની જવાબી કાર્યવાહીમાં અસદ અને ગુલામ માર્યા ગયા.
આ પણ વાંચો:ટ્રાફિક સંચાલનઃ સુરત પોલીસના હકારાત્મક અભિગમથી લોકોમાં સાનંદાશ્ચર્ય
આ પણ વાંચો:જુનિયર ક્લાર્કની પરીક્ષા આપવા નીકળેલા પરીક્ષાર્થીઓને નડ્યો અકસ્માત
આ પણ વાંચો:સુરતમાંથી ઝડપાયું સરકારી અનાજ સગેવગે કરવાનું કૌભાંડ, બે લોકોની કરાઈ અટકાયત
આ પણ વાંચો:ગુજરાતના ટેક્સટાઇલ ઉદ્યોગો અને આનુષાન્ગિક ઉદ્યોગોની E- ડિરેક્ટરીનું મુખ્યમંત્રીશ્રીએ કર્યું લોન્ચિંગ
આ પણ વાંચો:હિંદુવાદી નેતા કાજલ હિન્દુસ્તાનીની પોલીસે કરી ધરપકડ, જાણો શુ લાગ્યો આરોપ
