લગભગ દરેકને મુસાફરી કરવાનું પસંદ છે. પરંતુ કેટલાક લોકોને રેલવે મુસાફરી કરવી ગમે છે. રેલવે મુસાફરીમાં ઘણી વિશેષતાઓ છે જે તમારી યાત્રાને યાદગાર બનાવે છે. ભારતમાં આવી ઘણી ટ્રેનો છે જેને ફક્ત ટ્રેનો કહી શકાતી નથી. આ ટ્રેનો ‘રાજશાહી મહેલ’ જેવી છે. આ એવા મહેલો છે જે ટ્રેક પર ફરતા હોય છે, ભારતની રોયલ ટ્રેનો વિશે જાણ… જોતાં આંખો પહોળી થઈ જશે.
મહારાજા એક્સપ્રેસને વિશ્વનો અગ્રણી લક્ઝરી ટ્રેનનો એવોર્ડ મળ્યો છે. આ ટ્રેનની વિશેષતા એ છે કે તેમાં તમને રાજા જેવું લાગે તે માટે પ્રેસિડેન્શિયલ સ્યુટ, એક્સપ્રેસ સ્યુટ, જુનિયર સ્યુટ અને ડિલક્સ કેબિન છે. તે રાજસ્થાન, ઉત્તર પ્રદેશના શહેરો ઉપરાંત દક્ષિણ ભારતના પ્રખ્યાત સ્થળોની મુસાફરી કરે છે.
તેમાં કુલ 21 લક્ઝરી કોચ છે, જે 11 મુસાફરો માટે છે, બાકીના રેસ્ટોરાં, સ્પા, લોન્જ વગેરે છે. આ ટ્રેનની વિશેષતા એ છે કે તેનો દરેક કોચ મહારાષ્ટ્રના વિવિધ રાજવંશના શાહી યુગથી પ્રેરિત છે. આમાં નિ: શુલ્ક વાઇ-ફાઇ, એર કંડિશન્ડ રુમ, ડાઇનિંગ કાર, મલ્ટિ-ક્યુઝિન રેસ્ટોરન્ટ અને સ્પા તમારી સફરને યાદગાર બનાવશે. આ ટ્રેન જુદા જુદા સ્થળની મુલાકાત કરાવે છે. આ ટ્રેનમાં સુંદર સોફા, બાલ્કની, એડવાન્સ બાર, સ્પા અને સુંદર રેસ્ટોરાં પણ છે.
કલા અને સંસ્કૃતિની ધરતી રાજસ્થાનના ઘણા અવિસ્મરણીય મુસાફરીમાં લઈ જાય છે. 26 જાન્યુઆરી 1982 ના રોજ, ભારતની પહેલી રોયલ ટ્રેન પેલેસ ઓન વ્હિલ્સ એટલે કે પૈડા પર ચાલતો મહેલ શરૂ થયો. આ ટ્રેન લોકોને રાજાશાહી ઠાઠાની સાથે મુસાફરી કરાવવા માટે શરૂ કરવામાં આવી હતી.
સાત દિવસીય શાહી યાત્રા દિલ્હીથી શરૂ થઈ હતી અને ફરી જયપુર, રણથંભોર, ચિત્તોડગઢ, ઉદેપુર, જેસલમેર, જોધપુર, ભરતપુર અને આગ્રા થઈને દિલ્હી જાય છે.
