Bhuj News : ભુજમાં તાંત્રિક વિધીના નામે શારીરિક અડપલા કરતા શખ્સની પોલીસે ધરપકડ કરી છે. ભુજ તાલુકાના માધાપર ગામમાં આ ઘટના બની હતી. જેમાં પોતે તાંત્રિક હોવાનું કહી નડતર દૂર કરવાના નામે આરોપીએ મહીલાને ઘરે બોલાવી હતી.
શારીરિક અડપલા કરતો તાંત્રિક
બાદમાં યુવતીને અર્ધબેભાન કરી સંમોહિત કરી શારીરિક છેડછાડનો પ્રયાસ કર્યો હતો. આ અંગે યુવતીએ પોલીસને જાણ કરતા ગુનો નોંધી આરોપીને ઝડપી લીધો હતો. ઘટનાની ગંભીરતા સમજી ભુજ LCB એ તુરંત કાર્યવાહી કરી હતી.
તાંત્રિક વિધિ કરનાર વિશાલ મારાજ નામના શખ્સને પોલીસે ઝડપી લીધો હતો. ક્રાઈમ પેટ્રોલ જોઈને સ્પ્રે છાંટીને યુવતીને બેભાન કરી કુકર્મનો વિચાર આવ્યો હોવાનું તેણે પુછછપરછમાં પોલીસને જણાવ્યું હતું. લોકોને વિશાલ તરફથી કોઈ ભોગ બન્યું હોય તો સામે આવી પોલીસ ફરિયાદ કરવા અપીલ કરવામાં આવી છે.
