જમ્મુ-કાશ્મીરના રાજૌરી જિલ્લાના રહેવાસી 23 વર્ષીય માવ્યા સુદન ભારતીય ફાઇટર પાયલટ તરીકે ભારતીય વાયુસેનામાં જોડાશે. તેમણે જમ્મુ-કાશ્મીરની પ્રથમ મહિલા ફાઇટર પાયલટ બનીને ઇતિહાસ રચ્યો છે. માવ્યાને ફ્લાઈંગ ઓફિસર તરીકે આઇએએફમાં ભરતી કરવામાં આવ્યા હતા. તે ભારતીય વાયુ સેનામાં જોડાનારી 12 મી મહિલા અધિકારી બન્યા છે અને ફાઇટર પાયલટ તરીકે સામેલ થનારી રાજૌરીની પ્રથમ મહિલા અધિકારી છે.
23 વર્ષની માવ્યા સૂદન કેન્દ્રશાસિત પ્રદેશ જમ્મુ-કાશ્મીર પહેલી પુત્રી છે જેને ભારતીય વાયુસેનામાં મહિલા ફાઇટર પાયલટ બનવાનું ગૌરવ પ્રાપ્ત થયું છે. શનિવારે તેલંગાણાની ડુંડિગલ વાયુસેના એકેડમીમાં યોજાયેલી પાસિંગ પરેડમાં માવ્યા એકમાત્ર મહિલા ફાઇટર પાયલટ તરીકે સામેલ થયા હતા.
આ પણ વાંચો :ભારતથી લઇને અમેેરિકા સુધી આજે તમામ લોકો યોગ દિવસની કરી રહ્યા છે ઉજવણી, Photos
રાજૌરીના ગામ લંબેડીમાં રહેતી માવ્યાએ જમ્મુના કાર્મેલ કોન્વેન્ટ સ્કુલ માંથી અભ્યાસ પૂરો કર્યો છે. જે પછી ચંદીગઢમાં ડીએવીથી પોલિટિકલ સાયન્સમાં ગ્રેજ્યુએશન કરી વર્ષ 2020માં વાયુસેનાની એન્ટ્રેન્સ ઇક્ઝામ પાસ કરી હતી.
એર ચીફ માર્શલ રાકેશકુમાર સિંહ ભદૌરીયાએ શનિવારે હૈદરાબાદના ડુંડિગલ, એરફોર્સ એકેડેમી ખાતે આયોજિત સંયુક્ત સ્નાતક પાસિંગ આઉટ પરેડની સમીક્ષા કરી. માવ્યાના પિતા વિનોદ સુદને પુત્રીની સિધ્ધિ અંગે ખુશી વ્યક્ત કરી છે. તેઓ કહે છે કે ગર્વ અનુભવી રહ્યો છું કે તે માત્ર મારી જ નહીં આખા દેશની પુત્રી બની ગઇ છે. આ નિમિત્તે માવ્યાની માતા માન્યતા સૂદને પણ ખુશી વ્યક્ત કરી હતી.
આ પણ વાંચો :સોપોરમાં સેના અને આતંકીઓ વચ્ચે અથડામણ, લશ્કર-એ-તૈયબાનો ટોચનો આતંકવાદી ઠાર
લડવૈયાના પાયલોટ તરીકે ‘સંપૂર્ણ સંચાલન’ કરતા પહેલા અને લડાઇની જટિલતાઓને સંભાળતાં પહેલાં માવ્યા સુદાનને હવે એક વર્ષથી સખત લડાઇની તાલીમ લેવી પડશે. ફ્લાઇટ લેફ્ટનન્ટ અવની ચતુર્વેદી, ભાવના કંથ અને મોહના સિંઘ જૂન, 2016 માં પાયાની તાલીમ લીધા પછી ફ્લાઈંગ ઓફિસર તરીકે ફાઇટર સ્ટ્રીમમાં જોડાનાર પ્રથમ મહિલા હતા. આઈએએફ પાસે હાલમાં 11 મહિલા ફાઇટર પાઇલટ છે જેમણે સુપરસોનિક જેટ વિમાન ઉડાન માટે કડક તાલીમ લીધી છે. ફાઇટર પાયલટ ને ટ્રેન કરવામાં લગભગ 15 કરોડ રૂપિયા લાગે છે.
આ પણ વાંચો :પાણીમાં કલાકો સુધી સ્થિત રહીને ૬૧ વર્ષિય યોગસાધક મહેંદ્રસિંહ રાજપુત કરે છે યોગ
