Mehsana News: મહેસાણામાં પ્રેમલગ્ન (Mehsana Love Marriage) કરનાર યુવતીને તેના પિયર પક્ષના લોકો સાસરીમાંથી લઈ ગયા હોવાનો ગંભીર બનાવ સામે આવ્યો છે. મહેસાણામાં ખાનગી હોસ્પિટલમાં મેડિકલ ઓફિસર તરીકે ફરજ બજાવતા ડો. સ્મિત પરમાર સાથે ચાર મહિના પહેલાં પ્રેમલગ્ન (Mehsana Love Marriage) કરનાર ચાંદની પટેલને તેના માતા-પિતા સહિતના લોકો ઘરમાંથી લઈ ગયા હોવાની ફરિયાદ નોંધાઈ છે.
ઘટનાની સમગ્ર ઘટના ઘરમાં લગાવવામાં આવેલા CCTV કેમેરામાં કેદ થઈ હોવાનું સામે આવ્યું છે. પોલીસ દ્વારા ફરિયાદના આધારે યુવતી અને તેને લઈ જનાર શખસોની શોધખોળ શરૂ કરવામાં આવી છે.
Mehsana Love Marriage: અલગ જ્ઞાતિના યુવક સાથે પ્રેમલગ્નથી પરિવાર નારાજ હતો
મળતી માહિતી પ્રમાણે ચાંદની પટેલ પાલનપુરના સદરપુર ગામની રહેવાસી છે. તેણે 23 એપ્રિલ, 2026ના રોજ મહેસાણામાં રહેતા ડો. સ્મિત પરમાર સાથે પ્રેમલગ્ન (Mehsana Love Marriage) કર્યા હતા. પરિવારની મરજી વિરુદ્ધ અને યુવકની જ્ઞાતિ અલગ હોવાના કારણે ચાંદનીના પરિવારજનો આ લગ્નથી નારાજ હોવાનું જણાવવામાં આવ્યું છે. લગ્ન બાદ ચાંદની પોતાના પતિ અને સાસરિયાં સાથે મહેસાણામાં રહેતી હતી.
માતાની તબિયતનું કારણ આપી ઘરમાં પ્રવેશ્યા
18 ઓગસ્ટના રોજ બપોરના સમયે ચાંદની સાસુ સાથે ઘરમાં હતી. આ દરમિયાન તેના પિતા જીતેન્દ્ર પટેલ, માતા નીતાબેન, કાકા નરેશભાઈ સહિતના આશરે પાંચ લોકો વેગનઆર અને સ્કોર્પિયો કારમાં ત્યાં પહોંચ્યા હતા. ચાંદનીની માતાની તબિયત સારી ન હોવાનું જણાવી તેઓ ઘરમાં પ્રવેશ્યા હતા. ત્યારબાદ ચાંદનીને મળવાની ઈચ્છા વ્યક્ત કરી હતી. તે સમયે ચાંદની ઉપરના રૂમમાં સૂતી હોવાથી તેને નીચે બોલાવવામાં આવી હતી. પરિવારજનો અને ચાંદની વચ્ચે વાતચીત ચાલી રહી હતી ત્યારે અચાનક ઝપાઝપી શરૂ થઈ હોવાનો ફરિયાદમાં આક્ષેપ છે.
યુવતીના વાળ પકડી ઘરની બહાર ખેંચી ગયા હોવાનો આક્ષેપ
ફરિયાદ મુજબ, ઝપાઝપી દરમિયાન ચાંદનીના પિયર પક્ષના લોકોએ તેના વાળ પકડી તેને ઘરની બહાર ખેંચી હતી. ત્યારબાદ તેને કારમાં બેસાડી ત્યાંથી લઈ જવામાં આવી હોવાનો આક્ષેપ કરવામાં આવ્યો છે. ઘટના દરમિયાન ઘરમાં હાજર લોકો દ્વારા વિરોધ કરવામાં આવ્યો હતો. સમગ્ર બનાવને પગલે આસપાસના લોકો પણ એકત્ર થયા હતા.
ચાંદનીની માતા કારમાં બેસી ન શકતાં ત્યાં જ રહી ગયાં
અપહરણની કથિત ઘટનામાં ભાગદોડ અને ઝપાઝપી દરમિયાન ચાંદનીની માતા નીતાબેન કારમાં બેસી શક્યા નહોતા અને નીચે પડી ગયા હતા. બીજી તરફ ચાંદનીને કારમાં બેસાડી દેવામાં આવી હતી. ત્યારબાદ અન્ય લોકો ચાંદનીની માતાને ઘટનાસ્થળે જ મૂકીને ત્યાંથી નીકળી ગયા હોવાનો ફરિયાદમાં ઉલ્લેખ છે. ઘટનાની જાણ થતાં પોલીસ સ્થળ પર પહોંચી હતી અને સમગ્ર મામલે તપાસ શરૂ કરી હતી.
CCTVમાં કેદ થયો સમગ્ર બનાવ
ડો. સ્મિત પરમારના ઘરમાં CCTV કેમેરા લગાવવામાં આવ્યા હોવાથી ચાંદનીને ઘરમાંથી બહાર લઈ જવાની સમગ્ર ઘટના કેમેરામાં કેદ થઈ હોવાનું સામે આવ્યું છે. CCTV ફૂટેજના આધારે પોલીસ દ્વારા યુવતીને લઈ જનાર લોકો અને યુવતીના હાલના સ્થળ અંગે તપાસ કરવામાં આવી રહી છે. પોલીસની ટીમે આરોપીઓની શોધખોળ શરૂ કરી છે.
Mehsana Love Marriage:સાસુએ પોલીસ ફરિયાદ નોંધાવી
ડો. સ્મિત પરમારની માતા દ્વારા આ મામલે પોલીસ ફરિયાદ નોંધાવવામાં આવી છે. ફરિયાદમાં ઘરમાં ગેરકાયદેસર પ્રવેશ સહિત એટ્રોસિટી અને અન્ય સંબંધિત કલમો હેઠળ કાર્યવાહી કરવાની માગ કરવામાં આવી છે. પોલીસ હવે CCTV ફૂટેજ, ફરિયાદમાં દર્શાવવામાં આવેલી વિગતો અને ઘટનાસ્થળેથી મળેલા પુરાવાના આધારે સમગ્ર ઘટનાની તપાસ કરી રહી છે.
Mehsana Love Marriage બાદ ફરી વિવાદ
ચાર મહિના પહેલાં થયેલા પ્રેમલગ્ન (Mehsana Love Marriage) બાદ યુવતીને તેના પિયર પક્ષના લોકો સાસરીમાંથી લઈ ગયા હોવાના આક્ષેપથી સમગ્ર મામલો ચર્ચામાં આવ્યો છે. યુવતીના પરિવારજનો લગ્નથી નારાજ હોવાનું ફરિયાદમાં જણાવાયું છે. હાલ ચાંદની પટેલ ક્યાં છે અને તેને કોના દ્વારા ક્યાં લઈ જવામાં આવી છે તે અંગે પોલીસ તપાસ ચાલી રહી છે. યુવતી મળી આવ્યા બાદ તેના નિવેદન સહિતની કાર્યવાહીથી સમગ્ર ઘટનાની વધુ હકીકત સામે આવી શકે છે.
આ પણ વાંચો:“પ્રેમલગ્ન સામે વાંધો નથી, પણ ગુંડાતત્વો સાથે લગ્ન SPG નહીં ચલાવી લે” લાલજી પટેલનું નિવેદન
આ પણ વાંચો:સુરતની લોકગાયિકા રિદ્ધિ રાજપરાના પ્રેમલગ્નથી વિવાદ, પાટીદાર સમાજમાં રોષ અને બહિષ્કારની માંગ
