રામનવમી કે અન્ય ધાર્મિક પર્વમાં લોકો વ્રત-ઉપવાસ કરતા હોય છે ત્યારે ચાલો આજે જાણીએ ફરાળી મિસ્સી પૂરીની રીત. જેને તમે ઉપવાસમાં સરળતાથી બનાવી શકો છો.
સામગ્રી
|
|
1 કપ | પલાળેલા સાબુદાણા |
1 કપ | સિંઘોડાનો લોટ |
2 નંગ | બાફેલા બટાટા |
4-5 નંગ | લીલાં મરચાં |
જરૂરિયાત મુજબ સિંધવ મીઠું | |
4-5 નંગ | મરી ઝીણાં ક્રશ કરેલાં |
જરૂરિયાત મુજબ તેલ અથવા તો ઘી | |
ઝીણી સમારેલી કોથમીર |
રીત :
![]() |
બાફેલા બટાટાનો માવો બનાવી લેવો. અને પછી તેમાં સાબુદાણા તથા સિંઘોડાનો લોટ મિક્સ કરી લેવો. |
![]() |
લોટને બરાબર મિક્સ કરીને તેમાં ઝીણાં સમારીને મરચાં નાખવા. પૂરી તીખી કરવી હોય તો ક્રશ કરેલ આદું- મરચાં અને લાલ મરચું પાઉડર પણ નાંખી શકાય. |
![]() |
ત્યાર બાદ સિંધવ મીઠું, મરી સહિત બધા મસાલા નાંખીને જરૂર મુજબ પાણી નાખીને લોટ બાંધી લેવો. |
![]() |
લોટ બાંધ્યા બાદ હાથ ઉપર થોડું પાણી લગાવીને નાનાં ગુલ્લાં કરી નાંખો. |
![]() |
તેને પૂરીની જેમ વણી લેવા. ગુલ્લાને તમે હાથેથી થેપીને પણ વેલણના ઉપયોગ વિના પૂરી બનાવી શકો છો. |
![]() |
કડાઇમાં તેલ ગરમ કરવા મૂકો અને બધી જ પૂરીઓ બ્રાઉન રેડ કલરની થાય ત્યાં સુધી બંને બાજુ ધીમા તાપે તળવી. |
![]() |
જો તમારે પૂરીઓ તળવી ન હોય તો પૂરીની બંને તરફ ઘી લગાવીને તવીમાં શેકી લેવી. |
![]() |
પૂરીઓ તળાઈ જાય એટલે કિચન પેપરમાં મૂકી દેવી જેથી વધારાનું ઘી કે તેલ શોષાઈ જાય. પૂરીઓ સહેજ ઠંડી પડે એટલે ઉપયોગમાં લેવી. |
![]() |
આ પૂરી ગળ્યા દહીં કે સૂકી ભાજી સાથે સર્વ કરી શકાય. |