ભૂપેન્દ્ર પટેલ સોમવારે ગુજરાતના 17 મા મુખ્યમંત્રી તરીકે શપથ લેશે. ભૂપેન્દ્ર આજે બપોરે 2.20 વાગ્યે શપથ લેવા જઈ રહ્યા છે. આપને જણાવી દઈએ કે આના બે દિવસ બાદ કેબિનેટ મંત્રીઓને શપથ લેવડાવવામાં આવશે. ગૃહમંત્રી અમિત શાહ આ શપથ સમારોહનો ભાગ બનવા જઈ રહ્યા છે. તેઓ આજે બપોરે 12.30 વાગ્યે અમદાવાદ જવાના છે. તેમના સિવાય એમપીના સીએમ શિવરાજ સિંહ ચૌહાણ પણ શપથવિધિ પ્રસંગે ઉપસ્થિત રહેશે.
આ પણ વાંચો :અમારી પાર્ટી દ્વારા સતત અભિયાનનાં કારણે વિજય રૂપાણીને આપવુ પડ્યું રાજીનામુંઃ હાર્દિક પટેલ
સીએમ શિવરાજ સિંહ ચૌહાણે ટ્વિટ કરીને જણાવ્યું કે, માનનીય શ્રી ભુપેન્દ્ર પટેલના ગુજરાતના મુખ્યમંત્રી પદ માટે શપથ ગ્રહણ સમારોહમાં હાજરી આપીશ. મને ખાતરી છે કે તમારા નેતૃત્વ હેઠળ રાજ્યમાં વિકાસ અને લોક કલ્યાણના કામોને વધુ વેગ મળશે. શુભેચ્છાઓ!
ગુજરાતના રાજ્યપાલ આચાર્ય દેવવ્રતે ભૂપેન્દ્ર પટેલને સોમવારે બપોરે 2:20 વાગ્યે ગુજરાતના નવા મુખ્યમંત્રી તરીકે શપથ લેવા આમંત્રણ આપ્યું છે. તેમણે ટ્વિટ કર્યું, “ભારતીય જનતા પાર્ટીના ધારાસભ્ય પક્ષના નવા નેતા ભૂપેન્દ્રભાઈ પટેલે રાજભવન ખાતે તેમના નેતૃત્વ હેઠળ નવી સરકાર બનાવવાનો પ્રસ્તાવ મુક્યો છે. દરખાસ્ત સ્વીકારીને, તેઓ 13 સપ્ટેમ્બરે મુખ્યમંત્રી તરીકે શપથ લેશે. આ માટે તેમને બપોરે 2.20 વાગ્યે આમંત્રણ આપવામાં આવ્યું છે. “
આ પણ વાંચો :CM ની રેસમાં કેબિનેટ મંત્રી આર.સી.ફળદુનું નામ ચર્ચામાં ઉમેરાયું
સમાચાર એજન્સી એએનઆઈ અનુસાર, કેન્દ્રીય ગૃહમંત્રી અમિત શાહ ગુજરાતના મુખ્યમંત્રી તરીકે ગાંધીનગરમાં ભૂપેન્દ્ર પટેલના શપથગ્રહણ સમારોહમાં હાજરી આપવા જઈ રહ્યા છે. અમિત શાહે રવિવારે ટ્વિટ કર્યું હતું, “હું માનું છું કે પીએમ નરેન્દ્ર મોદીના માર્ગદર્શન હેઠળ રાજ્યનો ટકાઉ વિકાસ તેની ગતિ જાળવી રાખશે.”
4 રાજ્યોના મુખ્યમંત્રી રહેશે હાજર
આ શપથવિધિ સમારોહમાં ચાર રાજ્યોના મુખ્યમંત્રી હાજર રહેશે. જેમાં ગોવાના મુખ્યમંત્રી પ્રમોદ સાવંત, મધ્ય પ્રદેશના મુખ્યમંત્રી શિવરાજ સિંહ ચૌહાણ સામેલ છે. કર્ણાટકના સીએમ બસવરાજ બોમાઈ, અસમના સીએમ હિમંત બિસ્વા પણ હાજર રહેશે. આ ઉપરાંત હરિયાણાના સીએમ મનોહરલાલ ખટ્ટર પણ હાજર રહી શકે છે.
આ પણ વાંચો :નવા મુખ્યમંત્રી અંગે સસ્પેન્સ, પ્રહલાદ જોશી અને નરેન્દ્ર સિંહ તોમર આજે ગુજરાતમાં
આ પણ વાંચો :CM રૂપાણીનાં રાજીનામા બાદ હાર્દિક પટેલ અને જીગ્નેશ મેવાણીએ તીખા શબ્દોમાં આપી પ્રતિક્રિયા
